"Organizatë e rrezikshme", Rama: Paketën anti-” kçk” po e diskutojmë me BE e SHBA
RENEA me "shtëpi" të re, kryeministri: Armiku më i madh i policisë është krimi "Gjyqtarët dhe prokurorët të justifikojnë pasurinë"
Kryeministri Edi Rama paralajmëroi dje gjykatësit dhe prokurorët se 2020- ta do të jetë një vit i vështirë për ta. Sipas tij, ka ardhur koha që të provojnë se pasuria e tyre nuk buron nga krimi, ose përndryshe të dorëzojnë pasurinë e tyre. Kryeministri ishte i pranishëm në ceremoninë e organizuar për 107- vjetorin e krijimit të Policisë së Shtetit. Me një investim prej 10 milionë eurosh, 2.4 prej të cilave dhuratë e Bashkimit Europian në 107- vjetorin e krijimit të Policisë së Shtetit, reparti RENEA do të ketë një "shtëpi" të re. Edi Rama premton se 2020- ta do të jetë viti i ofensivës ndaj krimit të organizuar. Pjesë e kësaj lufte shprehet se është dhe ligji antiKÇK, që siç lajmëron, është duke u konsultuar me partnerët ndërkombëtarë. "Për këtë arsye ne kemi ndërmarrë nismën e një pakete ligjore, që jemi duke e kolauduar këto ditë që flasim edhe me partnerët tanë të pazëvendësueshëm, SHBA dhe BE dhe në ditët në vijim do ta kthejmë në një bazë ligjore për të ndërmarrë ofensivën më shembullore ndaj krimit të organizuar, duke zhvilluar një aktivitet si asnjëherë më parë agresiv në terren të Policisë së Shtetit ndaj të gjithë atyre që janë dënuar, janë akuzuar, por i kanë shpëtuar dënimit si rezultat i KÇK dhe ka ardhur koha të provojnë se pasuria e tyre nuk buron nga krimi, ose përndryshe të dorëzojnë pasurinë e tyre. Paralelisht me ta, ne do bëjmë të mundur vendosjen me shpatulla pas murit të çdo anëtari të KÇK në prokurori apo gjykatë, që do marrë vendime në kundërshtim me ligjin", theksoi z. Rama. Kryeministri premtoi investime të ngjashme gjatë 2020ës edhe për Akademinë e Sigurisë, për repartin e Forcave të Ndërhyrjes së Shpejtë, si dhe ngritjen e një laboratori shkencor në dispozicion të Policisë së Shtetit. Dhe duket se nuk do të mungojë dhe mbështetja financiare e BEja. Ambasadori Soreca lajmëron se gjatë 2 viteve të ardhshme Unioni ka parashikuar dhënien e 19 milionë euro të tjera për të përmirësuar rendin dhe sigurinë.
PRIORITETET
Kryeministri Edi Rama zbardhi dje tre objektivat kryesorë që do të ketë në vijim për Policinë e Shtetit, që janë: kthimi i Akademisë së Sigurisë në një strukturë moderne në rajon, kthimi i repartit të FNSH në model dhe lab