"Antishpifja", Meta: Reflektim, jo kokëfortësi. Balla: Dekretin e rrëzojmë
"Kreu i shtetit iu bind urdhrit të Lulzim Bashës"
Presidenti Ilir Meta një ditë pasi ktheu për rishqyrtim dy ligjet për mediat, apeloi dje për reflektim dhe jo kokëfortësi. Z. Meta fton të lexojnë të gjithë me vëmendje argumentet kushtetuese dhe ligjore të kthimit për rishqyrtim në Kuvend të paketës së ashtuquajtur "antishpifje". Presidenti përmend se liria e shprehjes, liria e medias dhe e drejta e informimit, përveç se janë të drejta themelore kushtetuese, janë të lidhura ngushtë me parimin e ndërtimit dhe funksionimit të një shteti demokratik. Sipas tij, Shqipëria dy vitet e fundit ka një përkeqësim të këtyre treguesve, sipas konkluzioneve të organizatave prestigjioze ndërkombëtare të gazetarëve, si dhe të institucioneve ndërkombëtare që monitorojnë respektimin e lirisë së medias. "Liria e shprehjes, liria e medias dhe e drejta e informimit, përveç se janë të drejta themelore kushtetuese, janë të lidhura ngushtë me parimin e ndërtimit dhe funksionimit të një shteti demokratik. Shqipëria dy vitet e fundit ka një përkeqësim të këtyre treguesve, sipas konkluzioneve të organizatave prestigjioze ndërkombëtare të gazetarëve, si dhe të institucioneve ndërkombëtare që monitorojnë respektimin e lirisë së medias. Ndaj është koha për të reflektuar dhe për të mos ecur me kokëfortësi në rrugën e censurës dhe autoritarizmit, që do të përbënte rrezik për të ardhmen europiane të Shqipërisë. Edhe njëherë, i ftoj të gjithë të lexojnë me vëmendje argumentet kushtetuese dhe ligjore të kthimit për rishqyrtim në Kuvend të paketës së ashtuquajtur ' antishpifje'", - shprehet Presidenti Meta.
VENDIMI
Mazhoranca e majtë përmes kreut të grupit PS- së, Taulant Balla, akuzoi dje Presidentin Ilir Meta se iu bind urdhrit të Lulzim Bashës dhe se dekreti i tij do të rrëzohet sa më shpejt në Kuvend. "Unë e kam bërë komentin për këtë çështje qysh në seancë plenare, kur ky hap i rëndësishëm që Sh
ILIR META
"Është koha për të reflektuar dhe për të mos ecur me kokëfortësi në rrugën e censurës dhe autoritarizmit, që do të përbënte rrezik për të ardhmen europiane të Shqipërisë. Edhe njëherë, i ftoj të gjithë të lexojnë me vëmendje argumentet kushtetuese dhe ligjore të kthimit për rishqyrtim në Kuvend të paketës së ashtuquajtur ' antishpifje'", - tha z. Meta.