“Zgjedhjet zgjidhin krizën”, Basha: S'heqim dorë nga kërkesat tona
"Konsensus jashtë komisionit dhe parlamentit"
Opozita e bashkuar nuk tërhiqet nga tre kërkesat e saj, të cilat i sheh si i vetmi mekanizëm për çuarjen përpara të Reformës Zgjedhore. Pas një takimi që zhvilloi dje në selinë blu me aleatët e tij, Lulzim Basha bëri të qartë se opozita është e angazhuar për ta miratuar sa më shpejt Reformën, që sipas tij, po zvarritet nga mazhoranca. Takimi i djeshëm në selinë e PD- së u finalizua me mandatin e dy "ndërmjetësuesve" për të arritur dakordësi me mazhorancën dhe opozitën e re parlamentare në këtë proces drejt një drafti të vetëm për zgjedhoren. Qëndrimi i opozitës së bashkuar në këtë proces është i pandryshuar nga ajo se çfarë është rënë dakord mes tyre prej muajit tetor: Gjithëpërfshirje në një tryezë jashtëparlamentare, transparencë dhe miratimi me konsensus në seancë plenare pa asnjë ndryshim i produktit të dakordësuar. "E para, krijimin e një mekanizmi gjithpërfshirës dhe transparent, me pjesëmarrjen e forcave politike dhe mundësinë dhe aksesin e çdo faktori tjetër shoqëror, qytetar dhe grupeve të interesit. Së dyti, miratimin me konsensus jashtë parlamentit dhe Komisionit të Reformës Zgjedhore të çdo propozimi për reformën zgjedhore. Së treti, kalimin e çdo aspekti të miratuar me konsensus pa asnjë ndryshim në seancën plenare",- u shpreh kryetari i PD- së. Për liderin demokrat, miratimi sa më shpejt i reformës zgjedhore me konsensus është zgjidhja për daljen nga kriza politike. Por me kushtin, që reforma zgjedhore të zbatohet për herë të parë në zgjedhje të parakohshme parlamentare të cilat sipas Bashës, duhet të mbahen në të njëjtën datë me ato lokale. "Zgjidhja e krizës politike do të vijë përmes zgjedhjeve të
parakohshme parlamentare në një ditë me zgjedhjet lokale, me një Kod Zgjedhor që adreson problemet e shitblerjes së votes", - tha Basha.
NEGOCIATAT
Kreu i PD- së falënderoi faktorin ndërkombëtar, teksa tha se kanë dhënë një ndihmë të jashtëzakonshme për të shtyrë drejt një produkti, që nuk duhet
vonuar më asnjë çast. "Falënderoj faktorin ndërkombëtar, për ndihmën e jashtëzakonshme që kanë dhënë për të shtyrë drejt një produkti që është vonuar katër muaj dhe s'duhet të vonohet më. I bëj thirrje palës tjetër të mos vonojë më asnjë çast për t'i dhënë shqiptarëve reformën zgjedhore. Nuk ka tryezë nga ko
JOZEFINA TOPALLI
Ish- nënkryetarja e PD, Jozefina Topalli, reagoi pas tryezës politike për reformën zgjedhore. Sipas saj, kundërshtarët u rikthyen sërish në krah të njëri- tjetrit, pasi gjykata pushoi çështjen, duke nënkuptuar me këtë vendimin e gjykatës së Tiranës për të pushuar hetimin për falsifikim ndaj Lulzim Bashës. "Ja kështu… pasi pushoi ‘ çështjen gjykata’… rikthehen përsëri në krahët e njëritjetrit", - tha Topalli.
misioni i posaçëm. Ne, me ndihmën e faktorit ndërkombëtar, kemi mundësuar një proces, ku të dakordohen mbi propozimin tonë të tetorit. Çdo vendim me konsensus dhe transparencë totale",- theksoi z. Basha. Edhe kryetarja e LSI- së, Monika Kryemadhi reagoi pas marrëveshjes së opozitës jashtëparlamentare me max
horancës, ku palët u ulën sot në një tryezë për reformën zgjedhore. Kryemadhi bëri thirrje që mos të humbet kohë, por t'u mundësohet shqiptarëve zgjedhje të lira dhe pa presionin e bandave. Ajo theksoi se opozita mori sot përgjegjësinë e saj përpara qytetarëve shqiptarë për të realizuar reformën zgjedhore, e cila
është edhe një nga 9 kushtet e vendosura nga Bundestagu gjerman, për të bërë të mundur hapjen e negociatave në Samitin e Zagrebit. Po ashtu Kryemadhi tha se pas dakordësisë së opozitës në unison, tashmë i takon maxhorancës që të tregojë se është e gatshme të mos mbajë më peng të ardhmen evropiane të Shqipërisë.