Prapaskenat, zbardhet marrëveshja e re PS- PD- LSI për "zgjedhoren"

Tryeza, reforma zgjedhore jashtë parlamentit të mbarojë deri më 15 mars 2020 Formohet "Këshilli Politik", aty ku s'ka konsensus, ndërhyn OSBE

Pas një viti konfliktual, opozita jashtë par lamentare dhe mazhoranca e majtë dje ranë dakord për të kryer së bashku reformën zgjedhore. Në një tryezë të dakordësuar prej ditësh, Damian Gjiknuri dhe Rudina Hajdari, që bashkëdrejtojnë Komisionin e Reformës Zgjedhore, u ulën me demokratin Oerd Bylykbashi dhe nënkryetarin e LSI, Petrit Vasili dhe pas 60 minutash u ngritën me një marrëveshje. Marrëveshja parashikon krijimin e një Këshilli Politik me përfaqësues të opozitës, drejtuesve të Komisionit të Reformës Zgjedhore, përfaqësueseve të grupeve parlamentare në Kuvend dhe ekspertëve të të dy palëve. Puna e kësaj strukture që do të asistohet nga përfaqësues të OSBE/ ODIHR- it do të përqendrohet tek objekti i Komisionit Parlamentar të Reformës Zgjedhore, pra rekomandimet e OSBE/ ODIHR- it. Palët e përfshira angazhohen të adresojnë me konsensus të gjitha çështjet e administrimit të zgjedhjeve. Për çështjet që nuk do të gjejnë dakordësi do të kërkohet mendim dhe asistencë nga ekspertë ndërkombëtarë ose OSBE/ ODIHR. Të dyja palët u shprehën se nga kjo marrëveshje janë përmbushur kërkesat e tyre. U arrit ajo që ne kërkuam, u gjet një mënyrë… Projekti përfundimtar për të cilin palët do të bien dakord do të miratohet nga Kuvendi, në përputhje me procedurat parlamentare. Mazhoranca angazhohet të mos kryejë ndryshime të tekstit të dakordësuar, as në Komisionin e Reformës dhe as në seancë, ku opozita jashtë parlamentit nuk është e pranishme. Pjesë e marrëveshjes nuk është ndryshimi i sistemit zgjedhor, edhe pse opozita parlamentare e kërkon me ngulm një gjë të tillë. Sipas marrëveshjes, reforma duhet të përfundojë jo më vonë se 15 Marsi i vitit 2020, kur përfundon edhe mandati i Komisionit të Posaçëm. Palët e shohin si hap pozitiv këtë pakt drejt arritjes së zgjidhjes se krizës politike.

NDËRMJETËSIMI

Në dokumentin e dakordësuar mes tyre ku u vunë ' piketat' për vijimin e punës dhe u institucionalizua një Këshill Politik që do të mandatojë punën për reformën, thuhet nëse gjatë rrugës palët zhvilluar takime të ndara me kryeopozitarin Lulzim Basha, por edhe me Oerd Bylykbashin, i cili është mandatuar së fundmi për të përfaqësuar PD- në në tryezën e "Këshillit Politik". Diplomatët kanë zhvilluar takime edhe me Damian Gjiknurin e Partisë Socialiste, i cili bashkëdrejton Komisionin Parlamentar të Reformës Zgjedhore me Rudina Hajdarin. Falë ndërmjetësimit të SHBA dhe Britanisë është bërë e mundur që palët të heqin dorë nga kushtet dhe të bien dakord për marrëveshjen që u bë publike sot, e cila parashikon formimin e Këshillit Politik, duke shmangur kështu Komisionin Parlamentar nga marrëveshja për reformën zgjedhore.

QËNDRIMET

Në mbyllje të takimit, Bylykbashi dhe Vasili e vlerësuan konsensusin një hap të rëndësishëm. "Ky dokument garanton që reforma zgjedhore të bëhet me konsensus dhe kjo gjithëpërfshirje e konsensus të shkojë deri në fund. Kemi asistencën ndërkombëtare. Pas kaq kohësh nga kërkesa jonë, për të arritur këtë do të institucionalizohet një forum, Këshilli Politik, që do të mandatojë punën për të kryer gjithë këtë reformë"- tha Bylykbashi. Kurse Petrit Vasili u shpreh: "Është hedhur një hap në raport me një moment të rëndësishëm që ka të bëjë me plotësimin e një kushti kyç të Bundestagut lidhur me hapjen e negociatave për anëtarësim. Me përgjegjësinë e duhur dhe luajalitetin nga pala tjetër do të jetë mundësi për të ecur përpara dhe çliruar vendin nga damka e zgjedhjeve të manipuluara dhe të blera. Edhe përfaqësuesi socialist, Damian Gjiknuri, e vlerësoi vullnetin e mirë për gjetjen e një forme dialogu me opozitën. Ai tha se dakordësia mes palëve është për adresimin e rekomandimeve të ODIHR dhe jo ndryshimin e sistemit. "Do përpiqemi të punojmë me konsensus me ndihmën e ekspertëve të ODIHR që do tu kërkojmë zyrtarisht të vijnë në Tiranë me qëllim që të adresojnë çështjet ku palët mund të ndahen. Sistemi është objekt i punës së komisionit të reformës zgjedhore, do një dakordësi, por nuk lidhet me rekomandimet e ODIHR",tha Gjiknuri. Pavarësisht se Rudina Hajdari nuk firmosi paktin politik, në parim ajo është dakordësuar me diskutimet, por sërish sipas opozitës parlamentare duhet të jetë në "lojë" edhe ndryshimi i sistemit.