' Zgjedhorja', Ambasada e SHBA: Zgjedhjet të jenë të lira nga mashtrimi
BE: I rëndësishëm për rikthimin e stabilitetit politik
Ambasada Amerikane në Tiranë përshënde ti dje arritjen e marrëveshjes mes opozitës jashtëparlamentare dhe maxhorancës për t'u ulur në një tryezë për reformën zgjedhore. Pas vendimit të opozitës për t'u rikthyer në tryezën e dialogut të reformës zgjedhore, ambasada amerikane në reagimin e saj në rrjetin social "Facebook", citon se reforma do të mbështesë procese zgjedhore të efektshme dhe të besueshme dhe do të forcojë demokracinë shqiptare. Ambasada thekson se ky është një hap i rëndësishëm për të trajtuar plotësisht rekomandimet e ODIHR- it. Mes të tjerash ambasada shkruan se shpreson që palët të vijojnë të ecin përpara me këtë frymë aktuale bashkëpunimi, për t'u siguruar që zgjedhjet në Shqipëri të jenë të lira nga mashtrimi, ndërhyrja dhe korrupsioni. "Ne përshëndesim palët që ranë dakord të punojnë së bashku për reformën zgjedhore, një hap i rëndësishëm për të trajtuar plotësisht rekomandimet e ODIHR- it. Reforma do të mbështesë procese zgjedhore të efektshme dhe të besueshme dhe do të forcojë demokracinë shqiptare. Ne shpresojmë që palët të vijojnë të ecin përpara me këtë frymë aktuale bashkëpunimi, për t'u siguruar që zgjedhjet në Shqipëri të jenë të lira nga mashtrimi, ndërhyrja dhe korrupsioni", - thuhet në mesazhin e ambasadës amerikane.
PROCESI
Ambasadori i Bashkimit Europian në Tiranë, Luigi Soreca e konsideroi hap të rëndësishëm në stabilitetin polik dhe të ardhmen europiane të Shqipërisë. Ai përshëndeti uljen e palëve politike në tryezë, për të gjetur zgjidhje për reformën zgjedhore. Sipas tij kjo është një arritje e rëndësishme për rikthimin e stabilitetit politik në Shqipëri si dhe në kontekstin e procesit të integrimit
DEKLARATA
"Ne përshëndesim palët që ranë dakord të punojnë së bashku për reformën zgjedhore, një hap i rëndësishëm për të trajtuar plotësisht rekomandimet e ODIHR- it. Reforma do të mbështesë procese zgjedhore të efektshme dhe të besueshme dhe do të forcojë demokracinë shqiptare. Ne shpresojmë që palët të vijojnë të ecin përpara me këtë frymë aktuale bashkëpunimi, për t'u siguruar që zgjedhjet në Shqipëri të jenë të lira nga mashtrimi, ndërhyrja dhe korrupsioni", - shkruhet në reagimin e Ambasadës së SHBA.