I vranë motrën prostitutë në Francë, vëllai i burgosur tenton për herë të dytë vetëvrasjen
32- vjeçari i dënuar për vrasje: Brunilda ishte e vetmja që ndihmonte familjen Nuk u lejua të shkonte në varrimin e viktimës, Shpëtim Kovaçi pi sasi të konsiderueshme detergjenti
Shpëtim Kovaçi, vëllai i Brunilda Sadushi ( Kovaçit), prostitutës shqiptare që u gjet e masakruar në pyllin francez, ka tentuar sërish vetëvrasjen brenda ambienteve të Burgut të Beratit, ku është duke vuajtur dënimin. Shpëtim Kovaçi ka pirë një sasi të konsiderueshme "detergjenti" dhe, pasi është pikasur nga rojet e shërbimit në dhomën e tij, është transportuar në gjendje të rëndë drejt Repartit të Urgjencës në Spitalin Rajonal të Beratit. Mjekët e këtij spitali kanë deklaruar se i burgosuri Kovaçi ka mbërritur në kohë dhe, pas një lavash stomaku dhe medikamenteve të marra, është jashtë rrezikut për jetën. Burime të besueshme brenda burgut të Beratit konfirmuan dje për "News 24" dhe "Gazeta Shqiptare" se Shpëtim Kovaçi ka rënë në një gjendje depresioni të thellë, pasi mësoi për vdekjen e motrës së tij, 37- vjeçares Brunilda Sadushi ( Kovaçi), që u gjet e vrarë dhe e djegur në një pyll në Francë, ditën e Krishtlindjeve. Sipas të njëjtave burime, Kovaçi ka deklaruar pas vdekjes së motrës se ajo ishte e vetmja në familje që kujdesej për të gjithë dhe që dërgonte lekë për t'u ushqyer. I burgosuri Shpëtim Kovaçi ka tentuar vetëvrasjen brenda ambienteve të Burgut të Beratit edhe disa ditë më parë, më 11 janar, duke prerë damarët e qafës me briskun e rrojës, në shenjë revolte se nuk u lejua të merrte pjesë atë ditë në funeralin e së motrës, Brunildës. Ky nuk është rasti i parë kur të burgosurit në Burgun e Beratit tentojnë vetëvrasjen me mënyra nga më të ndryshmet.
Ngjarjet janë mësuar në të gjitha rastet nga burimet brenda burgut, pasi vetë drejtuesit e këtij institucioni janë përpjekur t'i mbajnë gjithmonë të fshehta ngjarjet e tilla, që kanë përfunduar në disa raste edhe me vdekje. 32- vjeçari Shpëtim Kovaçi është dënuar për "vrasje", 8- vite më parë.
NËNA E VIKTIMËS
Disa ditë pas vrasjes, ka mbërritur pranë familjes në Berat, trupi i pajetë i 37vjeçares Brunilda Sadushit ( Kovaçi), e cila u gjet e masakruar në një pyll të Francës. Pasi iu dha lamtumira në shtëpinë e nënës së saj, në orën 14: 00 trupi i pajetë i 37- vjeçares u përcoll për në banesën e fundit. Nëna e vajzës, Fatime Kovaçi dhe familjarët e saj kanë deklaruar se, nuk i ndihmoi askush për sjelljen
e trupit të pajetë të vajzës nga Franca në Shqipëri. Ata pohuan se janë kredhur në borxhe për marrjen e trupit të Brunildës, ndërkohë që djalin e saj 3- vjeçar, Leonardon, nuk kanë mundur dot ta marrin në Shqipëri sepse nuk i ka lejuar shteti francez, për shkak të mungesës së dokumentacionit të plotë. Fatimeja, mes lotësh, kërkoi nga shteti edhe ardhjen e 2 djemve që ka në burg për të marrë pjesë në funeralin e motrës së tyre
VRASJA NË FRANCË
Ishte data 25 dhjetor e vitit që shkoi, kur nëna e një djali 3 vjeç u gjet e vrarë në një park në Mougins të Francës. Trupi i gruas shqiptare u gjet pjesërisht i djegur dhe i zhveshur. Një ditë më pas shteti francez deklaroi se vajza ishte punëtore seksi dhe ishte nga qyteti i Beratit, ndërsa autori, një klient, ka pranuar krimin.
të vetme, për të cilët bëri edhe kërkesë pranë IEPV- së Berat, por askush nuk ia solli. Ishte pikërisht data 25 dhjetor kur nëna e një djali 3 vjeç, u gjet e vrarë në një park në Mougins të Francës. Trupi i gruas shqiptare u gjet pjesërisht i djegur dhe i zhveshur. Një ditë më pas shteti francez deklaroi se vajza ishte punëtore seksi dhe ishte nga qyteti i Beratit, ndërsa autori, një klient, ka pranuar krimin.