Zhbllokohen tokat në bregdet, gati 5 mijë tapi në Sarandë
Shpërndahen 120 certifikatat e para, Kadastra: Ja si të merrni dokumentin e pronësisë Drejtori i ASHK Sarandë: Aplikimi bëhet "online"
Zhbllokohet procesi i pa jisjes me certifikata pronësie. Rreth 5 mijë pronarë që presin prej vitesh të marrin tapitë mund të aplikojnë për marrjen e dokumenteve të pronësisë në Sarandë. Agjencia e Kadastrës ka shpërndarë dje tapitë për 120 familjet a para. Zhbllokimi i procesit erdhi pas zbatimit të VKM- së nr. 329 datë 22.05.2019. "Agjencia Shtetërore e Kadastrës Sarandë në bashkëpunim me Bashkinë Sarandë kanë shpërndarë certifikatat e para të pronësisë mbi trojet, pas disa vitesh bllokim. Pas miratimit të vendimit të Këshillit të Ministrave nr. 329 datë 22.05.2019, u bë i mundur zhbllokimi i parcelave që ishin bllokuar nga Kontrolli i Lartë i Shtetit. Nga ky vendim në Sarandë përfitojnë mbi 5000 qytetarë. Drejtori i ASHK Sarandë, z. Ardian Kola, shprehu kënaqësinë që pas një pune të madhe, u bë e mundur t'u shërbehet qytetareve duke i bërë ata pronarë. Pas dorëzimit të certifikatave të para hipotekore, ai u bën apel qytetarëve që disponojnë dokumente të paraqiten për përpunim paraprak në Bashkinë Sarandë. "Aplikimi për ASHK - tha drejtori Kola - bëhet ' online', pa qenë nevoja të paraqiten në sportelet tona", - thuhet në njoftimin e Agjencisë së Kadastrës.
VENDIMI
Vendimi i Këshillit të Ministrave i miratuar në maj të vitit që shkoi parashikon që: a) Vendimi i këshillit të organit vendor për dhënien e tokës për ndërtim. b) Kontrata apo akti për kalimin e pronësisë mbi tokën nga organet vendore te përfituesi sipas, i cili duhet të ketë formën: i. e një akti noterial kur veprimi është kryer pas hyrjes në fuqi të Kodit Civil të vitit 1994; ose ii. e një kontrate jonoteriale, ose shkrese të thjeshtë, kur veprimi është kryer para hyrjes në fuqi të Kodit Civil të vitit 1994. ( Përjashtimisht, kalimet e pronësisë që i përkasin kësaj periudhe konsiderohen të vlefshme edhe në mungesë të kontratës apo të shkresës së thjeshtë, me kusht që të administrohet dokumenti që vërteton pagesën e vlerës së truallit). Në vendim saktësohet se vërtetimi i pagesës së çmimit të shitjes së tokës, e përcaktuar në aktin e kalimit të pronësisë, sipas vlerës në kohën e miratimit të vendimit të këshillit të organit vendor për dhënien e tokës për ndërtim dhe dokumentacioni për ndërtimin e objektit. Nëse ky dokumentacion nuk ekziston apo është i pamjaftueshëm për regjistrimin e objektit, drejtoria vendore e ASHK- së zbaton rregullat për procedurat e legalizimit, pa penguar procedurat për truallin, sipas dispozitave të tjera të këtij vendimi. Sipas të njëjtit vendim, mësohet se kur mbi pasurinë nuk gjendet asnjë ndërtim, kryhen procedurat e regjistrimit vetëm për token. Ndërkohë ky rregull nuk zbatohet në rastet kur për tokën e pazhvilluar me ndërtim ka tituj pronësie të të tretëve ( të mbivendosur) të regjistruar më parë. Pas paraqitjes së dokumentacionit si më sipër, bashkia i përcjell dosjen drejtorisë vendore të ASHK- së për regjistrim. Nëse qytetari nuk e disponon të plotë listën e dokumenteve të mësipërme, por disponon vetëm vendimin e këshillit të organit vendor për dhënien e tokës për ndërtim, bashkia do të vijojë fillimisht me plotësimin e dokumentacionit të munguar dhe më pas do të përcjellë dosjen për regjistrim Drejtorisë Vendore të ASHK- së.
PROCEDURA PËR PAJISEN ME TAPI
a) Vendimi i këshillit të organit vendor për dhënien e tokës për ndërtim. b) Kontrata apo akti për kalimin e pronësisë mbi tokën, nga organet vendore te përfituesi, i cili duhet të ketë formën: i. e një akti noterial kur veprimi është kryer pas hyrjes në fuqi të Kodit Civil të vitit 1994; ose ii. e një kontrate jonoteriale, ose shkresë të thjeshtë, kur veprimi është kryer para hyrjes në fuqi të Kodit Civil të vitit 1994. ( Përjashtimisht, kalimet e pronësisë që i përkasin kësaj periudhe konsiderohen të vlefshme edhe në mungesë të kontratës apo të shkresës së thjeshtë, me kusht që të administrohet dokumenti që vërteton pagesën e vlerës së truallit). c) Vërtetimi i pagesës së çmimit te shitjes së tokës, e përcaktuar në aktin e kalimit të pronësisë, sipas vlerës në kohën e miratimit të vendimit të këshillit të organit vendor për dhënien e tokës për ndërtim. ç) Dokumentacioni për ndërtimin e objektit. Nëse ky dokumentacion nuk ekziston apo është i pamjaftueshëm për regjistrimin e objektit, drejtoria vendore e ASHK- së zbaton rregullat për procedurat e legalizimit, pa penguar procedurat për truallin, sipas dispozitave të tjera të këtij vendimi.
Kur mbi pasurinë nuk gjendet asnjë ndërtim, kryhen procedurat e regjistrimit vetëm për tokën.
Ky rregull nuk zbatohet në rastet kur për tokën e pazhvilluar me ndërtim ka tituj pronësie të të tretëve ( të mbivendosur) të regjistruar më parë. d) Planvendosje e tokës së dhënë për ndërtim nga organet vendore.