Meningjiti, mjeku infeksionist: Mos u frikësoni, s'ka epidemi në Shqipëri

Arjan Harxhi: Kujdes nga njollat e kuqe të gjakut!

Rastet

e shfaqura me meningjit në vendin tonë, nuk duhet të përbëjnë panik për qytetarët pasi situata nuk vlerësohet si epidemi. Kjo është deklaruar ditën e djeshme nga mjeku infeksionist Arjan Harxhi, i cili tha në rubrikën ' Opinion' në News 24, se është normale që të ketë 20- 30 raste në vit në Shqipëri me meningjit por në disa forma ky infeksion është vdekjeprurës siç është ai në cipën e trurit dhe në gjak. "Jemi dëshmitarë që ka shumë informacion që qarkullon në rrjetet sociale, ka shumë interes, ka ngjallur shqetësim. Ne jemi bombarduar nga telefonatat, miq, të afërm, pacientë. Është e rëndësishme që të jepen informacione, dhe të mbështetura, në fakte. Bëhet fjalë për një infeksion të rrallë, sëmundje e rrallë fatmirësisht, por kur shfaqe shenja klinike është agresive dhe ka risk të lartë për komplikacione të larta dhe vdekshmërinë. Bëhet fjalë nga neseria meningitis, bakter që gjendet rëndom në njerëz sepse është bakter i njeriut. Nuk e kanë kafshët apo ambientet e tjera. Pra, njerëzit mund ta kenë në fytin e tyre ose pjesë të tjera. Dhe jep sëmundjen nga meningokoku. Rastet më të rrezikshme të infeksionit të meningjitit. Dy janë infeksionet e rënda, meningjiti në cipën e trurit dhe infeksioni në gjak, nga meningokoku që është me vdekshmëri të lartë 40- 50% edhe në qendra më të specializuara",- tha mjeku infeksionist. Më tej ky i fundit shtoi se grupmoshat 1- 5 vjeç dhe 14- 20 vjeç janë më të prekurat. "Nuk kursen asnjë lloj moshe, por e shohim në moshat fëmijërore 1- 5 vjeç dhe adoleshentët, mosha 14- 20 vjeç. Është e transmetueshme, është infeksion arogen, transmetohet prej spërklave. Kontakti i ngushtë me personin

SIMPTOMAT E MENINGJITIT

Sipas mjekut ky infeksion jep temperaturë, dhimbje koke, nauze të vjella, fotofobi ( bezdi nga drita), përgjumje deri në koma dhe ngrirje të qafës. "Nëse forma është më fulminante që në momentet e shfaqjes së temperaturës shfaqen brenda pak orësh njollat dhe tregon që kemi me meningokoksemi. Po dolën njollat risku është shumë i lartë. Është ' helmim' i gjakut. Nuk ka epidemi prej kësaj këto ditë në Shqipëri, epideminë e kanë hapur në mediat sociale",- bëri me dije infeksionisti.