Klosi: Industria e turizmit, kontribut unik për tërmetin
Ministria
e Turizmit dhe Mjedisit zhvilloi dje Samitin Ndërkombëtar të Turizmit "Për Solidaritet dhe Qëndrueshmëri", ku morën pjesë ministrat e Turizmit të Italisë, Kroacisë dhe vendeve të tjera të rajonit, ambasadorët e vendeve tona, operatorë turistikë të këtyre vendeve dhe vendit tonë. Ky Samit u zhvillua për të prezantuar solidaritetin e treguar nga hotelierët shqiptarë, të cilët hapën dyert për të dëmtuarit nga tërmeti më 26 nëntor, por dhe për të treguar, se Shqipëria dhe rajoni i Durrësit, duhet të jetë një destinacion i qëndrueshëm turistik. "Në orët e para pas tërmetit në peshën e nevojës urgjente për sistemimin e mijëra njerëzve, vetëm në pak kohë industria e turizmit, ata hapën dyert për të dhënë një kontribut unik të pandodhur kurrkund në botë dhe që ne duam ta ndajmë sot me ju", tha ministri i Turizmit dhe Mjedisit, Blendi Klosi. Industria e Turizmit pranoi të shërbente si një mekanizëm shumë i rëndësishëm në menaxhimin e krizave humanitare. Në këtë kauz solidariteti u bashkuan dhe shtetet fqinje dhe jo vetëm, organizma ndërkombëtar dhe humanitarë. "Me rritjen dyshifrore me 3 milion turist e kemi gjetur në 2013, 5.6 milion ishin në 2018, 6.5 milionë turistë të huaj vizituan Shqipërinë në 2019 dhe me stimën e qartë për të shkuar në 10 milionë turistë në vijat e para të dekadës së re. Ne jemi këtu për t'u bërë së bashku me kolegët tanë politika të caktuara për të mbështetur këtë ekonomi e për të përshëndetur atë punë të madhe që kanë bërë hotelierët dhe komuniteti i biznesit privat kudo në vendin tonë. Falë vizitonit dhe mbështetjes me politika qeverisëse Kryeministri Rama Shqipëria tashmë është e orientuar qartë dhe mirë drejt zhvillimit të turizmit, me qëllim të qartë të rritjes jo vetëm të numrave hyrës në kufi, por mbi të gjitha të zhvillimit të destinacionit të qëndrueshëm turistik European",- tha Klosi. Samitin e përshëndeti dhe Drejtori Ekzekutiv i Organizatës Ndërkombëtare të Turizmit, Mr. Zhu Shanzhong.