"Do sulmonin ambasadën e SHBA në Irak", Tirana dëbon dy diplomatë iranianë
Shqipëria i shpall "non grata", Cakaj: Shkelën Konventën për Marrëdhëniet Diplomatike "Këshilltari dhe atasheu kulturor të padëshirueshëm"
Shqipëria dëbon nga vendi 2 diplomatët e ambasadës së Iranit në Tiranë. Këshilltari Mohammad Ali Arz Peimanemati dhe atasheu kulturor Seyed Ahmad Hosseini Alast janë shpallur të padëshirueshëm në territorin shqiptar për shkak se rrezikojnë sigurinë e vendit. Ministri i Jashtëm në detyrë, Gent Cakaj, me anë të një statusi në "Facebook" njoftoi se ky vendim i autoriteteve shqiptare vjen për shkak të zhvillimit të veprimtarisë në mospërputhje me statusin e tyre dhe parimet e Konventës së Vjenës për Marrëdhëniet Diplomatike. Dy përfaqësuesve të Republikës Islamike të Iranit ju është kërkuar largimi i menjëhershëm nga territori i Republikës së Shqipërisë. Dëbimi i dy diplomatëve vjen pak ditë pas deklaratave të liderit suprem Ali Khamenei, i cilësoi Shqipërinë si një vend të vogël dhe djallëzor. Brenda harkut 1- vjeçar, numri i diplomatëve iranianë të dëbuar nga Shqipëria shkon në katër, pasi në dhjetor të 2018 autoritetet shqiptare dëbuan edhe ambasadorin e Iranit në vendin tonë, Gholamhossein Mohammadnia, së bashku me diplomatin e ambasadës, Mostafa Roudaki. Sipas "Top Channel" dy diplomat të tjerë iranianë janë urdhëruar të largohen nga Shqipëria brenda 72- orësh për shkak se përbëjnë rrezik serioz për Sh
EMRAT
Dy diplomatë të tjerë iranianë janë urdhëruar të largohen nga Shqipëria brenda 72- orësh për shkak se përbëjnë rrezik serioz për Shqipërinë. Emrat e tyre janë Mohamed Peimanemati, këshilltar i tretë i Ambasadës së Iranit në Tiranë si dhe Seyed Ahmad Hosseini, atashe kulturor i Iranit në Shqipëri, ky i fundit shumë aktiv në fondacionin Shiraz që vepron edhe në Shqipëri dhe që ka një mbështetje special nga ana e Iranit.
qipërinë. Mësohet se këta persona ishin në lidhje të drejtpërdrejtë e ish- shefit suprem të trupave Quds, gjeneralit Sulejmanit, i vrarë nga Shtetet e Bashkuara të Amerikës. Mësohet se shërbimet sekrete dhe shërbimi inteligjent shqiptar edhe më ndihmën e vendeve aleateve ka siguruar të dhëna për njohurinë e tyre edhe mbi planin sekret për rrafshimin e ambasadës
amerikane në Bagdad, në një sulm të organizuat nga Sulejmani, që mesa duket konfirmon vërtetësinë e shqetësimit që çoi në vrasjen e Sulejmanit! Seyed Ahmed Hosseini Alast është atashe kulturor, por në fakt anëtar i Gardës revolucionare të Republikës islamike, organizatë e shpallur terroriste nga departamenti i shtetit. Pjesë aktive e planeve dhe nxitjes për të organizuar akte terroriste e destabilizuese ndaj prezencës së forcave të koalicionit në Lindjen e Mesme. Statusi diplomatik në Shqipëri i ka shërbyer për të mbuluar aktivitetin e tij që cenon sigurinë kombëtare të Shqipërisë. Mohamed Peimanemati është Këshilltar i Ambasadës Iraniane në Tirane, por ne fakt anëtar i njësisë operacionale të inteligjencës së Iranit Mois, përgjegjës për disa akte terroriste në vendet e BE. Në dhjetor të vitit 2018, Shqipëria shpalli si persona të padëshiruar, ambasadorin Gholamhossein Mohammadnia dhe Mostafa Roudaki. Ndërkohë që më herët ishin ndaluar dy shtetas iraniane që dyshoheshin se do kryenin në Shqipëri një sulm gjatë një feste të bektashinjëve. Koka e terrorit iraniane, gjenerali Solejman ndërkohë, u ekzekutua me një sulm me dron nga ana e amerikanëve. Zyrtarët amerikanë thanë se këtë sulm e kishin ndërmarrë për të parandaluar sulme ndaj përfaqësive diplomatike. Dëbimi i dy diplomatëve të tjerë iranianë nga Shqipëria si pjesë e rrjetit që do sulmonte ambasadën amerikane në Bagdat është konfirmim. Shqipëria u bë pjesë e kërcënimeve iraniane nga Ajatollahu për shkak se strehon për arsye humanitare një grup prej 3200 anëtarëve të MEK, opozitës iraniane në mërgim.