Vendimi, Këshilli Politik cakton 6 ekspertë për draftin e reformës zgjedhore

' Kërkesë OSBE për të dërguar ekspertin ndërkombëtar'

Këshilli

Politik për reformën zgjedhore zhvilloi dje mbledhjen e parë teksa vendosi që të caktojë gjashtë ekspertë ligjorë për reformën zgjedhore, dy do të jenë nga opozita, dy nga komisioni, praktikisht një nga shumica dhe një nga opozita në parlament dhe dy të tjerë që do të jenë të jashtëm. Palët arritën në dakordësi që të miratojnë në parlament pa ndryshime, me konsensus të plotë, një draft të përbashkët, që pritet të miratohet jo më vonë se 15 marsi. Përfaqësuesit politik nga qeveria, opozita dhe opozita jashtë parlamentare u shprehën optimist për këtë mbledhje. Demokrati

Oerd Bylykbashi u shpreh se: "Ky këshill i autorizoi përfaqësuesve politik dhe ekspertëve që të operojnë me konsensus. Ky konsensus duhet të qëndrojë deri në momentin e miratimit. Ajo që ne bëmë të ditur, qëndrimi i opozitës së bashkuar është prioriteti i çështjeve që përputhet 100% me prioritet e OSBE/ ODIHR. Lufta kundër shitblerjes së votës, presionit mbi zgjedhësit, mbi administratën, manipulimit të listave, keq përdorimi i policisë, cenimi i sekretit të votës apo lirisë së votës". Kurse socialisti Damian Gjiknuri tha: "Ditën e hënë Komisioni i Reformës Zgjedhore do t'i dërgojë letër ODIHR për të kërkuar ekspertin ndërkombëtar, i cili mund të vijë në Shqipëri për të punuar me palët. Kërkojmë që nga e hënë e tutje, pse jo dhe për ditë të fillojë puna mes përfaqësuesve të opozitës dhe ekspertët e tyre që të punojnë me përfaqësuesit e Komisionit të Reformës Zgjedhore në mënyrë që këtë periudhë 2 mujore ta shfrytëzojmë në mënyrë maksimale që ti japim një kod të ri zgjedhor shqiptarëve".