Marrëveshja për ' zgjedhoren', Meta: Shpresoj të jetë fillimi i reflektimit
"Viti që shkoi, me shumë zhgënjime për Shqipërinë"
Presidenti Meta uron që marrëveshja e arri tur për reformën zgjedhore të jetë fillimi vendosjes së një dialogu strukturor e të qëndrueshëm për çështje të interesit të përbashkët, që ndihmojnë integrimin europian të Shqipërisë. Kreu i shtetit, Ilir Meta reagoi për marrëveshjen e arritur së fundmi nga maxhoranca dhe opozita, të cilët iu rikthyen tryezës së dialogut për reformën zgjedhore.
Meta në një interviste për "Rubikon" te gazetarit Adriatik Kelmendi theksoi se marrëveshja e arritur për reformën zgjedhore, duhet të jetë fillimi i vendosjes së dialogut konstruktiv dhe të qëndrueshëm mes palëve. Presidentit evidentoi se viti që shkoi ishte me shumë zhgënjime për Shqipërinë, por sipas tij duhet të mësojmë nga gabimet. Ai tha se Shqipëria nuk ka më kohë për të humbur. "Pa asnjë diskutim që viti që kaloi ishte me shumë zhgënjime, të paktën për Shqipërinë, por sidoqoftë nuk mund të themi se ishte një vit i humbur. Në rast se dëshirojmë të mësojmë nga gabimet dhe unë shpresoj se të gjithë ta kenë kuptuar se Shqipëria nuk ka më nevojë për vite të humbura. Në këtë drejtim shpresoj se edhe një marrëveshje e arritur për çështjen e reformës zgjedhore të jetë thjesht fillimi i një reflektimi të thellë dhe i vendosjes së një dialogu strukturor e të qëndrueshëm për çështje të interesit të përbashkët, që ndihmojnë integrimin europian të Shqipërisë, por edhe që ndihmojnë për një performancë tjetër të shqiptarëve në tërësi, në planin e qeverisjes dhe në planin e afirmimit ndërkombëtar",- thekson Meta. Kreu i shtetit foli dhe për përgjegjësitë e palëve politike. "Përgjegjësia është e mazhorancës, e cila kërkon të ushtrojë pushtete që dalin jashtë kufijve që ia përcakton Kushtetuta qeverisë dhe që dëmtojnë rëndë parimin e balancës dhe kontrollit të pushteteve që është i domosdoshëm për
një funksionim demokratik të shtetit. Padyshim që përgjegjësia është edhe e opozitës, e cila zgjodhi rrugën e deligjitimimit të institucioneve përmes largimit nga parlamenti, përmes mospjesëmarrjes në zgjedhjet vendore. Këtu nuk po nuk flasim për një përgjegjësi thjesht të një force apo të një individi të caktuar. Është një përgjegjësi e përbashkët, por mendoj se përgjegjësia më e madhe është e atij që ka përgjegjësinë për të ushtruar mandatin e qeverisjes së vendit", u shpreh kreu i shtetit. Ilir Meta akuzoi më tej: "Mazhoranca ka vetëm një alternativë, mendoj unë, e cila, në fakt, është burimi real i krizës që kemi
në Shqipëri: alternativën e frikësimit të të gjithëve dhe jo të ushtrimit të përgjegjësive të saj në mënyrë të përgje- gjshme, kushtetuese, demokratike dhe luajale". Sipas tij: "Ajo që më preokupon është rruga mjaft e gabuar e mazhorancës, e kryetarit të saj, që praktikisht ka vënë në diskutim legjitimitetin e të gjitha institucioneve në vend. Të mos harrojmë se kemi një Kuvend me 122 deputetë nga 140 që është numri kushtetues i Kuvendit të Shqipërisë! Le të mos harrojmë se nga parlamenti nuk kanë ikur thjesht 60- të deputetë të opozitës, por kanë ikur 183 deputetë dhe kandidatë për deputetë. Pra, në listat e të gjitha partive të opozitës".