Imami mezi pret sfidën ndaj Tiranës: Dikush do të pendohet për mua...
27- vjeçari ka firmosur për Skënderbeun dhe deklaron se në zgjedhjen e tij ka ndikuar prezenca e Dajës në stolin korçar La bardheblutë pas 18 muajsh, mbrojtësi ka një peng në kryeqytet
Eni Imami është deri më tani afrimi më i rëndësishëm i merkatos së janarit te Skënderbeu. 27- vjeçari, i cili në karrierë ka fituar dy tituj kampionë me Dinamon dhe Kukësin si dhe një Kupë të Shqipërisë me verilindorët, tregon se si po i përjeton ditët e para si një "ujk dëbore". Ndërsa për sa i përket kapitullit te Tirana, Imami tregon se ndryshimi në pankinën bardheblu midis Ardian Memës dhe Julian Ahmatajt nuk i garantoi më qëndrimin te kampi bardheblu. Këtë herë, Imami premton se do ta bëjë Tiranën të pendohet për daljen që i bëri. Mbrojtësi tashmë gjendet në një ambient të ri, po ku nuk i mungojnë miqtë e vjetër. "Që kur kam ardhur këtu e kam ndier veten shumë të afërt, me trajnerin dhe shokët e ekipit. Po pres me padurim të rinisë kampionati, pasi pritshmëritë janë të larta", theksoi ai për "Supersport".
Nuk munguan telefonatat e SMS- të nga klube të tjera, megjithatë një arsye shumë e fortë e bëri të zgjidhte skuadrën bardhekuqe. "Skënderbeu ishte i pari që më deshi, e zgjodha prej trajnerit Daja". Divorci me Tiranën, skuadër tek e cila mbrojtë
si kontribuoi për një sezon e gjysmë nuk erdhi pa polemika. Imami nuk e ka të vështirë të përcaktojë se përse u kris marrëdhënia me bardheblutë. "Deri para një muaji isha pjesë e Tiranës. Ndryshimi i trajnerit, ikja e Memës dhe ardhja e të riut ndikuan që të merrja këtë vendim".
Objektivat e skuadrës dhe ato personale janë një shtysë e fortë për një futbollist. Eni Imami e ka të qartë se çfarë duhet të bëjë me fanellën e Skënderbeut dhe kë duhet të bëjë të pendohet që nuk e ka më në ekip. "T'i marrim ndeshjet një e nga një dhe të marrim maksimumin e pikëve, ndërsa në aspektin personal dua t'u tregoj të gjithëve, sidomos dikujt që nuk kishte besim tek unë, që unë jam ky që jam".