"Drejtësia, fokusi kryesor i SHBA": Yuri Kim: Jemi me ju krah për krah
"Ju ndihmojmë që të forconi kandidaturën për në BE"
Në të parën dalje pub like në Tiranë ambas adorja e re e SHBAve Yuri Kim dje nuk e fshehu entuziazmin për fillimin e punës në Shqipëri. Në mëngjes u ndal tek presidenca për t'i dorëzuar letrat kredenciale presidentit të Shqipërisë, Ilir Meta. Në mesditë mbajti dhe një fjalim drejtuar popullit shqiptar ku nënvizoi se Shtetet e Bashkuara të Amerikës janë të përkushtuara ta ndihmojnë Shqipërinë të bëhet një aleate edhe më e fortë dhe më e aftë. Ambasadorja e re amerikane në Tiranë, Yuri Kim zgjodhi të thotë shqip se SHBA do të vazhdojnë të mbështesin vendin tonë, siç kanë bërë në 100 vite: "Ne do të vazhdojmë të jemi me ju krah për krah".
REFORMAT
Ambasadorja e re e SHBA- ve shprehu dje padurimin për të nisur nga puna me drejtuesit e shtetit shqiptar për të luftuar në mënyrë të veçantë korrupsionin, por dhe për të çuar me tej reformën në sistemin e drejtësisë. "Pres me kënaqësi të punoj më udhëheqësit e Shqipërisë ndërsa ata ndërmarrin hapa të vështirë, por absolutisht të nevojshëm për të zbatuar reformën në drejtësi, për të ndjekur penalisht krimin e organizuar dhe për të larguar korrupsionin nga sistemi shqiptar. Jam besimplotë që teksa drejtësia të hedh rrënjë më shumë investitorë të tërhiqen drejt Shqipërisë, për më shumë vende pune e mundësi. Nuk ka dyshime se SHBA e vlerëson Shqipërinë si aleatë partnere e mike të vërtetë. Jemi krah jush sot për të mbështetur të ardhmen tuaj si një vend demokrat i begatë",- u shpreh ambasadorja e re e SHBA- ve. Ajo përmendi se: "Kemi qëndruar krah jush që atëherë, duke mbështetur hyrjen tuaj të suksesshme në NATO në 2009 dhe tani përpjekjet tuaja për tu anëtarësuar në BE. Sot ne qëndrojmë me ju jo vetëm në mbështetje të lirisë dhe sovranitetit të Shqipërisë, por dhe në mbështetje të së
MESAZHI
"SHBA- të janë të përkushtuar ta ndihmojnë Shqipërinë të forcojë kandidaturën e saj për në BE. Pres me kënaqësi të punoj me udhëheqësit shqiptarë ndërsa ata marrin hapa të vështirë, por absolutisht të nevojshëm për të zbatuar reformën në drejtësi për të ndjekur penalisht krimin e organizuar dhe për të larguar korrupsionin në sistemin shqiptar",- tha zj. Yuri Kim.