Shtohen viktimat nga Koronavirusi, Kina përgatit vaksinën

Ministria e Financave jep 8 miliardë e 740 milionë dollarë për masat parandaluese Mjekët: Transmetohet edhe me sy

Numri i të vdekurve nga shpërthimi i ko ronavirusi në Kinë arriti në 81 të hënën. Qeveria kineze zgjati pushimet e festës së Vitit të Ri dhe bizneset e mëdha u mbyllën duke i thënë personelit të punojë nga shtëpia në kuadrin e përpjekjeve për të frenuar përhapjen, njoftoi Reuters. Kryeministri kinez Li Keqiang vizitoi qendrën e qytetit Wuhan, epiqendrën e shpërthimit të virusit dhe qeveria po përpiqet të sinjalizojë se po reagon seriozisht ndaj krizës. Numri i përgjithshëm i rasteve të konfirmuara në Kinë u rrit me 30% duke kapur shifrën e 2744 të prekurve, gjysma prej të cilëve në provincën Hubei, që është kryeqyteti i Wuhan. Ndërkohë që shqetësimet rriten në të gjithë botën, Hong Kongu i qeverisur nga Kina, që ka tetë raste të konfirmuara, ndaloi hyrjen e njerëzve që kishin qenë në Hubei në 14 ditët e fundit. Ndalimi nuk ishte për banorët e Hong Kongut. Numri i vdekjeve nga virusi që ngjan si grip në Hubei arriti në 76, nga 56 që ishte, thanë zyrtarët e Shëndetësisë, me pesë vdekje që ndodhën diku më larg në Kinë, përfshirë provincën ishullore të Hainan, që njoftoi vdekjen e parë të hënën. Ndërkaq Qendra për Kontrollin dhe Parandalimin e Fatkeqësive ( CDC) në Kinë ka filluar të zhvillojë një vaksinë kundër epidemisë së koronavirusit të ri të përhapur me shpejtësi në vend. Siç raporton gazeta "South China Morning Post", eksperti i virologjisë Xu Wenbo tha se ekspertët e qendrës kanë filluar të zhvillojnë një vaksinë kundër epidemisë së koronavirusit të ri ( 2019- nCoV) dhe se në kuadër të kësaj po zhvillojnë punime për të përcaktuar renditjen gjenetike të virusit të izoluar. Xu tha se ekspertët po përdorin metodën e renditjes gjenetike me shpejtësi të lartë për të përcaktuar strukturën patogjenike të katër mostrave të marra nga virusi që nga 2 janari dhe se po kryhen edhe kontrolle për ilaçin kundër pneumonisë, e cila është shfaqur për shkak të koronavirusit të ri. Ministria e Financave dhe Komisioni Kombëtar i Shëndetësisë në Kinë ka ndarë 60.33 miliardë juanë ose 8 miliardë e 740 milionë dollarë për masat parandaluese kundër përhapjes së koronavirusit, nga i cili deri të hënën në mëngjes kanë vdekur 81 persona. Presidenti kinez, Xi Jinping, paralajmëroi se virusi i ri është duke u përhapur me shpejtësi të madhe, ndërsa disa zyrtarë të tjerë thanë se duket që aftësia e koronavirusit për t'u përhapur mes njerëzve po vjen duke u forcuar. Numri i përgjithshëm i personave të infektuar u rrit për rreth 30 për qind dhe shkoi në 2744. Gati gjysma e tyre janë regjistruar në provincën Hubei, kryeqytet i së cilës është qyteti Wuhan. Koronavirusi gjithnjë e më vdekjeprurës, gjithashtu, mund të transmetohet përmes syve, kanë paralajmëruar shkencëtarët. Deri më tani, janë regjistruar më shumë se 1.400 pacientë, numri më i madh janë infektuar në

Një avion është rrëzuar pak më parë në Afganistan. Siç raporton BBC, avioni ka rënë rrethin Deh Yak të provincës Ghazni, në jugperëndim të Kabulit. Raportohet se në avion ndodheshin dhjetëra pasagjerë. Ende nuk dihet asgjë për fatin e pasagjerëve, pasi autoritetet lokale nuk kanë dhënë asnjë informacion të

mëtejshëm.

Kinë - 1.362 prej tyre, ndërsa mbi 40 kanë vdekur. Mjeku kinez Wang Guangfa ka frikë se ai mund të ketë marrë një infeksion të ngjashëm me SARS pasi nuk mban syze. Dr Guangfa kryeson departamentin e pulmonologjisë në spitalin e Pekinit dhe ishte pjesë e një ekipi ekspertësh që vizituan Vuhan më herët këtë muaj, ku virusi u shfaq për herë të parë. Ekspertët kryesorë kanë konfirmuar se një skenar i tillë është "absolutisht i mundur" - që virusi mund të hyjë në sytë tuaj nëse i prekni. Ata paralajmërojnë se koronavirusi, që mendohet të transmetohet nga teshtima dhe kolla, mund të endet nëpër trup dhe përfundimisht të arrijë në sy. Paul Kelm, profesor i gjenetikës së viruseve në Kolegjin mbretëror në Londër, thotë se është "absolutisht e mundur".