Muxhahedinët, Rama: Strehimi i njerëzve në rrezik, pjesë e traditës sonë
Sekretari i NATO- s flet për bazën e Kuçovës: Investim domethënës për të gjithë aleatët "Qëndrojmë të fortë krah SHBA dhe dëbojmë keqbërësit"
Kreu i qeverisë Edi Rama takoi dje në Bruksel Sekretarin e Përgjithshëm të NATO, Jens Stoltenberg në cilësinë e kreut të OSBE që kryeministri shqiptar mban prej pak kohësh. Fjalën e tij në konferencën e përbashkët me kryeministrin Edi Rama, Jens Stoltenberg e nisi me ngushëllime për jetët e humbura në Shqipëri nga tërmeti i 26 nëntorit. Ai ndau personalisht ngushëllimet për vetë kreun e qeverisë që humbi të fejuarën e djalit, Kristi Reçin. "Kryeministër Edi Rama është kënaqësi t'iu shohim sërish. Ne jemi të gjithë të shokuar nga tërmeti që goditi Shqipërinë nëntorin e kaluar. Të gjithë ndjemë dhimbjen e atyre që vuajtën. Edi, ju përjetuat, gjithashtu, një humbje personale, Ju lutem, pranoni ngushëllimet e mia të sinqerta, për të gjitha ata që humbën të dashurit nga tërmeti. Ne qëndrojmë dhe veprojmë bashkë kur njëri vuan",- tha Jens Stoltenberg.
PREMTIMI
Shqipëria nuk do ta ulë buxhetin e parashikuar për NATO- n pavarësisht se pas tërmetit të 26 nëntorit fatura financiare që duhet të përballojnë financat e vendit janë të larta. Kryeministri Rama e bëri këtë premtim gjatë një takimi me Sekretarin e Përgjithshëm të NATO- s Jels Stoltenberg, në cilësinë e kreut të OSBE- së. "Përtej nevojës për të riformësuar buxhetin e saj dhe për të trajtuar nevojat që kërkon procesi i rindërtimit i mbetet angazhimit të saj për buxhetin dedikuar për NATO- n dhe t'i përmbahet këtij angazhimi", theksoi kryeministri i Shqipërisë. Rama dhe Stoltenberg vlerësuan bashkëpunimin mes OSBE dhe NATO për sigurinë e vendeve anëtare dhe përmbushjen e objektivave. Në fjalën e tij Rama falënderoi Stoltenberg për mbështetjen që NATO i ka dhënë rajonit të Ballkanit, sidomos në rivendosjen e linjës Prishtinë - Beograd.
MUXHAHEDINËT
Kryeministri Edi Rama premtoi në selinë e NATO- s në Bruksel se do të vazhdojë strehimi i muxhahedinëve pavarësisht kërcënimeve që mund të vijnë nga Irani. "Shqipëria ka pranuar t'i japë strehë disa mijëra njerëzve, jeta e të cilëve është kërcënuar nga regjimi i Teheranit. E kemi bërë edhe këtë gjë si një operacion humanitar",- tha z. Rama. Kryeministri siguroi se Shqipëria i ka strehuar muxhahedinët dhe do vazhdojë ta bëjë një gjë të tillë. Ai përmendi se Shqipëria ka pranuar t'i japë strehë disa mijëra njerëzve, jeta e të cilëve është kërcënuar nga regjimi i Teheranit. "Është pjesë e asaj çka ne jemi, e traditës sonë. Ne kemi qenë vendi i vetëm që pas Luftës së Dytë Botërore kishte më shumë hebrenj dhe vendi ynë ishte një shtëpi e sigurt për ta. E kemi bërë edhe këtë gjë si një operacion humanitar",- u shpreh Rama. Ai shtoi se nuk do të ndryshohet tradita dhe qasja tonë kundrejt këtyre njerëzve. Lidhur me aktivitetet e dyshuara keqbërëse në Shqipëri, Rama tha se, "Kemi dëbuar diplomatët dhe njerëz të tjerë, që janë jashtë aktivitetit të rregullt të pjesës diplomatike. Do të vijojmë të qëndrojmë fort nuk jemi të vetëm jemi pjesë e një aleance më të madhe dhe ky operacion është zhvilluar krah për krah me Shtetet e Bashkuara të Amerikës",theksoi z. Rama.
' KUÇOVA'
Sekretari Përgjithshëm i NATO- s vlerësoi angazhimin e Shqipërisë si vend anëtar i NATO- s dhe foli për rëndësinë që kthimi i aeroportit të
Kuçovës në bazën e NATO- s. Ai nënvizoi dhe se po nxitet që investimi në bazën e Kuçovës të nisë sa më shpejt. "Kemi vendosur ta bëjmë këtë investim dhe po nxisim që kjo të zbatohet sa më shpejt të jetë e mundur. Ky është një investim për përmirësimin e bazës ajrore, të pistës, karburantet, gjithashtu. Kjo bazë ajrore mund të jetë qendër e veprimtarive shumë të rëndësishme, siç është policimi nga ajri, trajnimi që do të vijë nga kjo bazë e modernizuar në Shqipëri. Pra, është mirë jo vetëm për vendin, por për të gjithë aleatët e NATO- s", - tha Stoltenberg. Sekretari Stoltenberg u
LUIGI SORECA
Komisioni Europian do të vazhdojë të punojë për hapjen e negociatave me Shqipërinë dhe Maqedoninë e Veriut. Paralelisht do të vendoset mënyra për të përmirësuar procesin e pranimit, përfshirë metodologjinë e zgjerimit dhe një kornizë të përforcuar të investimeve",deklaroi ambasadori i BE në Tiranë.
shpreh se "nga vendet e Ballkanit Perëndimor, Shqipëria është anëtarësuar në 2009- ën, që ishte mirë për Shqipërinë dhe mirë për NATO- n. Shqipëria dhe NATO kanë punuar mjaft ngushtë së bashku. Kjo është e rëndësishme për sigurinë tonë të përbashkët, por, gjithashtu, është e rëndësishme për NATO- n që të investojë në infrastrukturë".
DIALOGU
NATO mbështet rifillimin e dialogut Kosovë- Serbi pezulluar prej disa kohësh dhe ofron mbështetjen për çështjen e hapësirës ajrore. Në konferencën e përbashkët për shtyp me kryeministrin e Shqipërisë, Edi Rama Sekretari i Përgjithshëm i NATO- s Jens Stoltenberg nënvizoi se dialogu është e vetmja mënyrë për arritjen e një zgjidhje të qëndrueshme. "Ne mbështesim fort dialogun mes Prishtinës dhe Beogradit. Mbështesim rifillimin e këtij dialogu që është pezulluar për disa kohë. Besojmë se ky dialog është e vetmja mënyrë për të arritur një zgjidhje politike të gjatë e të qëndrueshme të konfliktit. E mbështesim jo vetëm përmes mbështetjes politike por duke ndihmuar për të zgjidhur çështjen e hapësirës ajrore",- u shpreh z. Stoltenberg. Sa i takon anëtarësimit të Maqedonisë së Veriut në NATO, Stoltenberg u shpreh se procesi është pranë finalizimit.
INTEGRIMI
Nga Brukseli, kryeministri Edi Rama bëri një përmbledhje të diskutimit të gjatë që pasi mbrëmjen e të martës me Presidenten e Komisionit Europian, Ursula von der Leyen, me fokus të veçantë përgatitjen për konferencën e donatorëve që do të zhvillohet në 17 shkurt në Bruksel për t'i ardhur në ndihmë vendit tonë për procesin e rindërtimit. "E informuam për të gjithë aspektet e punës sonë për trajtimin e pastërmetit. Serioziteti me të cilin po organizohet konferenca e donatorëve është maksimal, pavarësisht se ne e dimë se shuma e mundshme që ne mund të mbledhim në atë konferencë nuk do të përmbushë dot të gjitha nevojat. Plani i Presidentes shkon përtej konferencës. Do të vazhdojmë të punojmë së bashku, ndamë me të dhe idetë e financimit të rindërtimit",- u shpreh kreu i qeverisë. Jashtë vëmendjes nuk ka mbetur as procesi i integrimit në BE. Presidentja e KE ka një strategji konkrete për objektivin e çeljes së negociatave. Ndërkohë është kaq e sigurtë se fati i vendimit mbi çeljen e negociatave do të varet nga ecuria e debatit të brendshëm të BE mbi vetveten dhe të ardhmen e gjithë procesit të zgjerimit"- u shpreh Kryeministri. Rama gjithashtu njoftoi se Presidentja e KE- së mbështet planin për shengenin rajonal. "Presidentja e Komisionit e sheh me entuziazëm përpjekjen për të çuar përpara procesin e Berlinit përmes marrëveshjeve që do të çojnë në lehtësimin e lëvizjes në rajon dhe finalizimin e shengenit rajonal. BE do të luajë rol mbështetës financiarisht dhe politikish", theksoi z. Rama.