Ambasadorja Kim takon kryeprokurorin: Mbani premtimin për gjyqësor të pavarur
"Prokurorët t'i shërbejnë interesit publik"
Ambasadorja e SHBAve në vendin tonë Yuri Kim takoi dje kryeprokurorin Olsian Çela, të cilit i kujtoi premtimin për një gjyqësor të pavarur. Diplomatja amerikane i garantoi Prokurorit të Përgjithshëm ndihmën e SHBA për zbatimin e reformës në drejtësi. Gjatë takimit të tyre të parë, ambasadorja e Shteteve të Bashkuara Yuri Kim e uroi Prokurorin e Përgjithshëm Olsian Çela për zgjedhjen e tij së fundi në detyrën e re dhe premtoi ndihmë teknike të vazhdueshme nga Shtetet e Bashkuara, për të ndihmuar Shqipërinë në vijimin e zbatimit të reformës në drejtësi. Ambasadorja Kim nxiti prokurorët që, ndërsa përmbushin premtimin e një gjyqësori të pavarur me drejtësi për të gjithë, t'i përqasen punës me mendësinë e shërbimit publik, integritetit dhe mbrojtjes së të drejtave të njeriut. Ambasadorja e Shteteve të Bashkuara të Amerikës në Tiranë, Yuri Kim, po dje takoi edhe Ministrin e Brendshëm Sandër Lleshaj. Gjatë takimit, ambasadorja rikonfirmoi mbështetjen e Shteteve të Bashkuara për Ministrinë e Brendshme dhe Policinë e Shtetit në përpjekjet e tyre për të luftuar kundër krimit të organizuar dhe korrupsionit. Më herët Yuri Kim ndaloi në Prokurorinë e Përgjithshme ku zhvilloi një takim me kryeprokurorin Olsian Çela dhe kreun e KLP- së Gent Ibrahimi. Në fokus të diskutimeve mes tyre mendohet të jetë reforma në drejtësi, një investim ky i qeverisë amerikane, si dhe ecuria e organeve të reja të drejtësisë. Dy ditë më parë ambasadorja e Shteteve të Bashkuara të Amerikës në vendin tonë, Yuri Kim zhvilloi takime me disa ministra të kabinetit qeveritar. Në njoftimin e publikuar nga ambasada amerikane, thuhet se ambasadorja Kim takoi ministrin e Jashtëm në detyrë Gent Cakaj, ministren e Mbrojtjes Olta Xhaç
MESAZHI
Ambasadorja amerikane nxiti prokurorët që, ndërsa përmbushin premtimin e një gjyqësori të pavarur me drejtësi për të gjithë, t'i përqasen punës me mendësinë e shërbimit publik, integritetit dhe mbrojtjes së të drejtave të njeriut. Ambasadorja e Shteteve të Bashkuara të Amerikës në Tiranë, Yuri Kim, po dje takoi edhe ministrin e Brendshëm, Sandër Lleshaj.