Drejtësia dhe ' Zgjedhorja', Basha takon trupin diplomatik
Kreu i PD- së: Korrupsioni, problem shoqëror
Lideri i opozitës Lulzim Basha zhvilloi dje një takim informal me ambasadorët e akredituar në Tiranë. Vetëm pak metra larg Kryeministrisë, në të njëjtën orë me takimin e Edi Ramës dhe ambasadores Yuri Kim, një tjetër takim, Lulzim Basha dhe ish- deputetë e drejtues të kësaj force politike zhvilluan dje me ambasadorë të trupit diplomatik në Tiranë. Mëngjesi i djeshëm i punës u zhvillua larg pranisë së medias dhe në fokus të tij ka qenë aktualiteti politik. Pjesë e takimit ishin çështje si reforma zgjedhore, për të cilën palët janë angazhuar në përmbushjen e 13 çështjeve kyçe brenda datës 15 mars. Reforma në drejtësi dhe SPAK- u ka qenë një tjetër prej temave të diskutimit, por jashtë vëmendjes nuk mbetën as çështja e dosjeve zgjedhore dhe ajo e dekriminalizmit, nisur nga denoncimet më të fundit të bëra nga opozita për të shkuarën sipas saj, kriminale të disa kryebashkiakëve të majtë. Po dje Lulzim Basha publikoi raportin e Global Talent Competitiveness Index për vitin 2020 e cila ka në vëmendje të rinjtë dhe aftësinë e vendeve për të konkurruar me talent. Shqipëria renditet e 76ta në botë dhe Basha thotë se ky është raporti i 10- të që evidenton korrupsionin e qeverisë pasi të rinjtë dhe të shkolluarit po zbrazin vendin prej papunësisë, varfërisë dhe korrupsionit më të lartë në Europë. I lançuar për herë të parë në 2013, Indeksi Global i Konkurrencës së Talenteve ( GTCI) është një raport vjetor i krahasimeve që mat aftësinë e vendeve për të garuar për talent. "Global Talent Competitiveness Index 2020, është i dhjeti raport që evidenton korrupsionin e qeverisë si problem për shoqërinë shqiptare. Vendi ynë po zbrazet dhe po braktiset nga të rinjtë dhe të shkolluarit, sepse ka papunësinë,
RAPORTI
Kreu i PD- së, Lulzim Basha publikoi raportin e “Global Talent Competitiveness Index” për vitin 2020, e cila ka në vëmendje të rinjtë dhe aftësinë e vendeve për të konkurruar me talent. Shqipëria renditet e 76- ta në botë dhe Basha thotë se ky është raporti i 10të që evidenton korrupsionin e qeverisë, pasi të rinjtë dhe të shkolluarit po zbrazin vendin prej papunësisë, varfërisë dhe korrupsionit më të lartë në Europë.