LSI, Rama: Paketa “antishpifje” një marrëzi, krimi i organizuar ndër më aktivët
Nënkryetari
i LSI Luan Rama deklaroi dje se mazhoranca u detyrua të tërhiqej nga marrëzia e tyre për ta miratuar dhunshëm paketën antiahpifje. "Paturpësisht, mazhoranca nuk pati guximin të kërkonte ndjesë për kostot që krijoji, për debatin që hapi, për problemin që krijoi mbi imazhin e vendit edhe tek partnerët ndërkombëtarë dhe u desh me të drejtë kthimi i ligjit në Kuvend nga ana e Presidentit të Republikës. U desh krijimi i një fronti të përbashkët dhe unik, të aktorëve mediatik shqiptar, por edhe të partnerëve ndërkombëtar të Këshillit të Europës, të Komisionit Europian, të OSBE- së dhe të një morie organizimesh të tjera në kundërshtim të kësaj marrëzie që e ka emrin "paketa antishpifje" që të imponohej tërheqja derisa të mbërrijë opinioni i Komisionit të Venecias',theksoi z. Rama. Nga selia e LSI ai bëri një bilanc të përmbledhur të zhvillimeve politike dhe të të gjithë situatës në vend në mbyllje të janarit, muajit të partë të vitit 2020. Rama evidentoi përmes fakteve, të dhënave, shifrave konkrete është rritja alarmante e kriminalitetit, rritja e numrit të vrasjeve, rritja e pasigurisë dhe evidentimi i mungesës së efiçencës së organeve shtetërore, organeve ligj- zbatuese në krijimin e kushteve të parametrave të sigurisë në vend. "Krimi i organizuar shqiptar konfirmohet si më aktivët në Itali dhe mbështetet nga grupe të ngjashme shqiptarësh aktivë në Holandë, Belgjikë, Austri, Britani e Madhe, Gjermani dhe Spanjë. Këto grupe kontaktojnë drejtpërdrejt me referentët e tyre në Shqipëri, në mënyrë të veçantë me aktivitetet kriminale komplekse",- tha z. Luan Rama.
PAKETA
Demokratët janë mosbesues ndaj qeverisë për zbatimin e paketës anti'KCK'. Pas miratimit nga qeveria të paketës anti'KÇK' reagoi Sekretari i Përgjithshëm i Partisë Demokratike, Gazment Bardhi. Në një postim në Facebook, Bardhi shkruan se paketa anti ' KÇK' ka për të dështuar njësoj siç dështoi "Forca e Ligjit" dhe kjo sipas tij do të ndodhë sepse në krye të saj është ortaku i krimit të organizuar. Për opozitën, Kryemi
SHPALLJE TDR group
nistri Rama sa herë ka një hall të madh, shpik një ligj me emër të madh. Me Edi Ramën, vijon qëndrimin e tij Bardhi, kanë dalë jashtë burgut kriminelët më të rrezikshëm dhe Shqipëria është shndërruar në bazë operacionale për krimin e organizuar. Bardhi shprehet se me Edi Ramën në krye të qeverisë Shqipëria është shndërruar në bazë operacionale për krimin e organizuar, nuk ka për të pasur luftë kundër krimit dhe kanë dalë jashtë burgut kriminelët më të rrezikshëm. "Që do të zbatojë Edi Rama ndonjë ligj që godet krimin e organizuar, është si të besosh se hijena do të bëhet vegjetariane. Sa herë ka një hall të madh, Rama shpik një ligj me emër të madh. "AntiKÇK" ka për të dështuar, siç dështoi "Forca e ligjit", sepse në krye të qeverisë është ortaku i krimit të organizuar. Me Edi Ramën kanë dalë jashtë burgut kriminelët më të rrezikshëm. Me Edi Ramën, Shqipëria është shndërruar në bazë operacionale për krimin e organizuar. Me Edi Ramën nuk ka për të pasur luftë kundër krimit. Ka vetëm propagandë dhe bashkëqeverisje me krimin e organizuar",- shkruan Bardhi.