"Anti- KÇK", Rama: Opozita ka ushqyer krimin. Basha: Të rrethojnë kriminelët
LSI: Shqipëria u kthye në lavatriçe e parave të pista
Opozita shprehet mos besuese për zbatimin e paketës "AntiKÇK". Sipas Partisë Demokratike, Edi Rama nuk mund të luftojë krimin dhe korrupsionin, pasi pushteti i tij varet prej tyre. Ndaj, PD- ja i konsideroi dje si propagandë, paralajmërimet e kryeministrit për të goditur krimin e organizuar me ligjin special "Anti- KÇK". Për të vërtetuar të kundërtën, ajo e sfidoi kreun e qeverisë që luftën ta nisë nga persona konkretë me të shkuar kriminale, të akuzuar se kanë përfituar tendera publikë në kundërshtim me ligjin, për shkak të njohjeve me njerëz të pushtetit. Ish- deputeti Enkelejd Alibeaj, në një dalje nga selia e PD- së vendosi në pikëpyetje funksionimin e paktës "Anti- KÇK" dhe sfidoi kryeministrin duke i kërkuar që ta nisë zbatimin e ligjit nga trafikanti Edmond Bego, për të cilin tha se është mik i Taulant Ballës dhe Erion Veliajt. "Lufta kundër krimit të organizuar dhe pasurive të tij të paligjshme është emergjencë kombëtare, por kjo e Edi Ramës është vetëm propagandë dhe tallje me shqiptarët, në përpjekje për të mbuluar bashkëqeverisjen e tij me krimin. Nëse nuk do të ishte kështu, trafikanti ndërkombëtar i drogës, Edmond Bego, nuk do të kishte marrë nga qeveria e korruptuar e Edi Ramës tendera, leje dhe licenca. Që kur lidhi miqësi me Taulant Ballën, numrin 2 të Partisë Socialiste, Edmond Bego ka marrë 14 milionë euro para publike në shkelje të ligjit të prokurimit publik, i cili përjashton nga pjesëmarrja në tender personat e dënuar për trafik ndërkombëtar droge", theksoi z. Alibeaj. Ai kërkoi: "Le ta nisë zbatimin e ligjit ' Anti- KÇK' me goditjen e trafikantëve të dënuar të drogës dhe pasurive të tyre të paligjshme, si Edmond Bego i Taulant Ballës, për të cilin,
KRYEMADHI
Kryetarja e LSI- së, Monika Kryemadhi, gjatë vizitës në SHBA takoi shqiptarët e Nju Xhersit. Kryemadhi ka vizituar Qendrën Kulturore Shqiptare Amerikane në Riverdale dhe shkollën islame "Miraxh". Ajo dhuroi disa libra për fëmijët shqiptarë kur theksoi se nuk duhet të humbasë lidhja me atdheun dhe gjuha amtare shqipe. Kryetarja e LSI- së falënderoi Burim Zhutën, Imam Tahirin dhe drejtuesit e këtyre institucioneve për punën në shërbim të komunitetit shqiptar në SHBA.