Shkelja e kushteve? KE- ja: Heqje fondesh e pezullim negociatash
BE- ja grup verifikimi për reformat, komisioneri: Këtë muaj shohim ecurinë e Shqipërisë Strategjia e re e zgjerimit, bisedimet ndalen nëse s'ka progres
Kolegji i Komisionit Europian miratoi dje metodologjinë e re të procesit të anëtarësimit në Bashkimin Europian, qëllim i së cilit është rivendosja e perspektivës së besueshme europiane për vendet e Ballkanit Perëndimor. Propozimi i Komisionit Europian për metodologjinë e re të zgjerimit synon ta bëjë procesin më të besueshëm, më dinamik, më të parashikueshëm dhe më gradual. Ndryshimi në thelb i kësaj metodologjie lidhet së pari me një fokus më të madh te reformat thelbësore, duke përshirë jo vetëm reformat e shtetit ligjor, funksionimin e institucioneve demokratike dhe administratën publike, por edhe ekonominë e vendeve të Ballkanit. Së dyti, bëhet fjalë për një vlerësim dhe kontroll më të rreptë të zbatimit të reformave të integrimit nga grupe ekspertësh të Komisioni Europian dhe shteteve anëtare. Së treti, ndryshimi ka të bëjë me grupimin e kapitujve të negociatave të anëtarësimit në 6 grupe, duke mundësuar hapjen dhe mbylljen e një grupimi dhe jo çdo kapitull në mënyrë individuale. Komisioni propozon hapjen dhe mbylljen e një grupimi kapitujsh brenda një viti. Ndryshimi ka të bëjë me instrumentet penalizues në rastin e shkeljeve serioze apo regresit në fushat e shtetit ligjor dhe lirive themelore, apo krimit të organizuar dhe korrupsionit. Metodologjia e re e bën të mundur pezullimin ose kthimin në fillim të bisedimeve të pranimit, në rastet kur vendet kandidate nuk përparojnë në asnjë fushë. Me këtë metodologji, shtetet anëtare do të kenë më shumë fuqi për të filluar procesin e pezullimit të negociatave.
ZGJERIMI
Komisioneri për zgjerimin, Oliver Varhelyi, prezantoi dje propozimin për të çuar përpara procesin e zgjerimit të BE- së, teksa njoftoi se vendet anëtare duhet ta miratojnë metodologjinë e re para samitit BE- Ballkan Perëndimor, që do të mbahet në muajin maj, në Zagreb dhe paralelisht të miratojnë fillimin e negociatave me Shqipërinë dhe Maqedoninë e Veriut. Sipas tij, Komisioni Europian vazhdon të mbështesë hapjen e negociatave të anëtarësimit për Shqipërinë dhe Maqedoninë e Veriut. "Propozojmë hapa konkretë për përmirë
LUIGI SORECA
“Propozimi i Komisionit Evropian për një metodologji të rishikuar për procesin e pranimit është një lajm i mirë për të ardhmen e BE- së të Shqipërisë. Ajo çon anëtarësimin në BE përpara, dhe gjithashtu do të përmirësojë dhe inkurajojë zhvillimin e reformave. 2020 është një vit kyç për Shqipërinë”, - shprehet Soreca. mi mbetet anëtarësimi dhe anëtarësimi i plotë në BE. Së dyti dhe paralelisht, Komisioni qëndron fort në rekomandimet e tij për të hapur negociatat e pranimit me Maqedoninë e Veriut dhe Shqipërinë dhe së shpejti do të sigurojë një përditësim mbi përparimin e bërë nga këto dy vende. Së treti, në përgatitjen e Samitit BE- Ballkan Perëndimor në Zagreb në maj, komisioni do të paraqesë një plan zhvillimi ekonomik dhe investimesh për rajonin", - u shpreh Varhelyi. Presidentja e komisionit, Ursula von der Leyen, e quajti planin e propozuar "të besueshëm dhe dinamik, i cili hap rrugën për fillimin e negociatave të anëtarësimit me Shqipërinë dhe Maqedoninë e Veriut".
PEZULLIMI
Komisioneri për zgjerimin Oliver Varhelyi gjatë konferencën për shtyp detajoi rastet se kur mund të pezullohet procesi I hapjes së negociatave. "Po, mund t'ju konfirmoj se plani ynë është që të kemi ekspertë nga shtetet anëtare së bashku me ekspertët tanë të angazhuar në misione në terren për të bërë vlerësimin e progresit të këtyre vendeve. Është e rëndësishme që të ndërtojmë besim midis ekspertizës së një shteti anëtar dhe vendeve të Ballkanit. Kjo është ajo që mungon. Ne duhet të krijomë këtë besim dhe jemi të gatshëm që të punojmë për këtë", tha Oliver Varhelyi, komisioner për Zgjerimin. Ai foli edhe për rastet e ndërprerjes së fondeve. "Lidhur me instrumentet që kemi në dispozicion, po, ndërprerja e fondeve është një nga instrumentet që kemi dhe kemi vullnetin që ta përdorim në rastet kur është e nevojshme. Në përdorimin e instrumenteve negativë, ne duhet të jemi proporcionalë lidhur me shkallën e regresit ose mungesës së performancës. Mund të përdorim prerjen e fondeve, por gjithashtu një rihapje të një kapitulli të mbyllur të negociatave të anëtarësimit. Në këtë rast, kjo ilustron domethënien e kthyeshmërisë së procesit. Mund të pezullojmë negociatat në disa fusha, ose mund të pezullojmë të tërë procesin e negociatave në varësi të çështjes që bëhet fjalë", shprehet Varhelyi. Më 19 tetor të vitit të kaluar, Shqipëria dhe Maqedonia e Veriut nuk morën dritën jeshile nga BEja për çeljen e negociatave. Qëndrimin më të fortë kundrejt çeljes së negociatave me të dyja vendet e kishte Franca, ndjekur nga Holanda dhe Danimarka.