Incidenti në Qyteti Studenti, Veliaj- Bashës: Mos u bëj si lac rrugësh
Gjatë
fjalës së djeshme në Këshillin Bashkiak të Tiranës, Veliaj i është përgjigjur Bashës për debatin e djeshëm mbi hyrjen e kryeopozitarit në një nga konviktet e Qytetit Studenti. Kryetari i Bashkisë se Tiranes, Erion Veliaj e ka cilësuar nje sjellje të padenjë atë të kreut të opozitës, Lulzim Basha, i cili u fut dje me forcë sipas tij në Godinën nr. 4 te Qytetit Studenti, se bashku me 4 te rinj jo studentë, duke dhunuar edhe recepsionisten. Ndonëse rregullorja e përcakton qartë se një person mund të futet brenda vetëm me autorizim të posaçëm, Veliaj thotë se kreu i PD u fut brenda konviktit të studentëve pa leje.
Veliaj e krahasoi sjelljen e kreut të PD- se të ngjashme me atë të një laci që nuk njeh shtet apo ligj. "Për çfarë futesh me dhunë në konvikt? E para e punës, jo, s'ke të drejtë, se po ashtu i bie që çdo lac, çdo rrugaç, çdo trafikant, të futet dhe shkon te secila dhomë gocash, për qefin e vet. "Unë jam lideri i opozitës". E çfarë pastaj? Po kur vjen laci i radhës edhe futet nëpër konvikte, domethënë një njeri që nuk njeh autoritetin e shkollës, zihet me pastrueset e konvikteve, edhe me recepsionisten. Kush është student dhe ka qenë në konvikte e di fare mirë se ai rregull është vendosur për të ruajtur integritetin sidomos në vajzave në ato konvikte", tha Veliaj.
Në fjalën e tij para anëtarëve të Këshillit Bashkiak, Veliaj theksoi se për sa kohë që Basha ishte në krye të Bashkisë së Tiranës, nuk rikonstruktoi asnjë konvikt dhe nuk bëri asgjë për të përmirësuar cilësinë e studentëve.