Operacioni "Forca e Ligjit" zbarkon sërish në Durrës, në shënjestër 2 ish- të dënuar dhe 1 tjetër
Rrezikon pasurinë edhe Emiljano Hysenaj, që futi 1.8 tonë kokainë në Gjermani Në "sitën" e "anti- KÇK"- së Dashamir Gjoka, i akuzuar për prostitucion. Ja si i shpëtoi atentatit 3 vite më parë
DËNIMI
Në bazë të dokumentacionit të siguruar nga ana e Prokurorisë për Krime të Rënda, rezulton se "me vendimin e Gjykatës së Apelit të Milanos, Itali, të datës 02.11.2007, shtetasi Dashamir Gjoka është dënuar me 10 vjet dhe 6 muaj burgim, për vepra penale që nga ligji penal shqiptar parashikohen si veprat penale "Shfrytëzimi i prostitucionit" dhe "Trafikimi i personave". Duke qenë në këtë mënyrë subjekt i masave parandaluese pasurore të ligjit nr. 10192, datë 03.12.2009 "Për parandalimin dhe goditjen e krimit të organizuar, trafikimit dhe korrupsionit nëpërmjet masave parandaluese kundër pasurisë".
ATENTATI NDAJ GJOKËS
Gjoka, pronar i disa bizneseve i shpëtoi një atentati në gusht të 2017- ës te "Katër Rrugët" e Shijakut. Policia tha se ishin dy vëllezër që tentuan ta vrisnin për shkak të një konflikti të vjetër. 25 plumba u zbrazën mbi biznesmenin, por për shkak se ndodhej në një makinë të blinduar, ai mundi të shpëtonte bashkë me familjen e tij.
Në ditën e tretë të punës, Operacioni "Forca e Ligjit" ka vënë në shënjestër tre emra të tjerë, të dyshuar dhe me precedentë të mëparshëm kriminalë, të cilëve pritet t'u sekuestrohet pasuria. Bëhet fjalë për Dashamir Gjokën, Emiljano Hysenajn dhe kushëririn e tij Edlir Hysenaj, të tre banues në qytetin e Durrësit, të cilët duhet të deklarojnë pasurinë brenda 48 orëve. Mësohet se biznesmeni Gjoka ka qenë i dënuar për "Trafik i qenieve njerëzore", ndërsa Emiljano Hysenaj rezulton i dënuar në Gjermani për trafikim narkotikësh dhe pastrim parash. Ndërsa, kushëriri i këtij të fundit, Edlir Hysenaj, dyshohet se gëzon pasuri me prejardhje nga aktiviteti kriminal.
NJOFTIMI I OFL- SË
Në kuadër të Operacionit "Forca e Ligjit", në vijim të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL- ja sapo u ka nisur kërkesat me shkrim për vetëdeklarimin e burimeve të pasurisë shtetasve Dashamir. Gj., me banim në Durrës, pasi rezulton i dënuar në Itali për veprën penale "Trafik i qenieve njerëzore".
- Emiljano H., me banim në Durrës, pasi rezulton i dënuar në Gjermani për trafikim narkotikësh dhe pastrim parash.
- Edlir H., banues në Durrës, me lidhje familjare me Emiljano H., pasi dyshohet se gëzon pasuri të prejardhura nga krimi.
Këta individë, si subjekt i ligjit special, duhet t'u përgjigjen me shkrim të gjitha pyetjeve të OFL- së dhe përgjigjet e marra do t'i dërgohen SPAK- ut, i cili do të vlerësojë dosjen e përgatitur nga OFL- ja mbi aktivitetin kriminal të këtyre subjekteve, si edhe pasurinë e tyre. Sapo të bëjë këtë vlerësim, SPAK- u duhet t'i kërkojë Gjykatës Speciale masën e sekuestrimit për pasuritë e subjekteve dhe pas sekuestrimit, në jo më shumë se 6 muaj, Gjykata Speciale duhet të vendosë për konfiskimin përfundimtar të tyre.
Me marrjen e masës së sekuestros, çdo pronë e subjekteve do të administrohet nga agjencia e posaçme e Ministrisë së Brendshme. Vetëm banesa mund të vazhdojë të përdoret për strehim, por nuk mund të shitet apo të jepet me qira nga subjekti.
Të gjitha subjektet e ligjit special, pra të gjithë të dënuarit apo të akuzuarit gjatë 30 viteve të fundit për krimet e parashikuara në këtë ligj do të kalojnë sitën e provës së ligjshmërisë së pasurisë së tyre. Asnjë përjashtim nuk do të ketë dhe nuk mund të ketë dhe çdo përpjekje për të tjetërsuar, ndërkohë pronën, duke përdorur familjarë apo të njohur do të rëndojë të dyja palët. Kujtojmë se ligji special parashikon vlerësime dhe hetime specifike të pasurisë edhe për rrethin
familjar të personave të dënuar apo akuzuar për krim të organizuar e krime të rënda. Për të gjitha nismat procedurale dhe operacionet ekzekutive që do të kryejë, OFL do të informojë publikun në vijimësi.
BIZNESMENI DASHAMIR GJOKA
Sipas burimeve policore, biznesmeni Dashamir Gjoka rezulton i dënuar në Itali për veprën penale "Trafik i qenieve njerëzore". Gjoka, pronar i disa bizneseve i shpëtoi një atentati në gusht të 2017- ës tek "Katër Rrugët" e Shijakut. Policia tha se ishin dy vëllezër që tentuan ta vrisnin për shkak të një konflikti të vjetër. 25 plumba u zbrazën mbi biznesmenin, por për shkak se ndodhej në një makinë të blinduar, ai mundi të shpëtonte bashkë me familjen e tij. Ndërkohë, me kërkesë të Prokurorisë
për Krime të Rënda, gjykata e shkallës së parë për Krime të Rënda ka vendosur konfiskimin e disa pasurive të paluajtshme të regjistruara në emër të tij, nga Durrësi. Hetimi pasuror, në kuadër të ligjit "Antimafia", nisi ndaj këtij shtetasi nga Prokuroria për Krime të Rënda, pas dyshimeve se ai i kishte krijuar pasuritë në bazë të të ardhurave të krijuara nga aktiviteti kriminal që ka kryer në Itali.
Në bazë të dokumentacionit të siguruar nga ana e Prokurorisë për Krime të Rënda rezulton se "me vendimin e Gjykatës së Apelit të Milanos, Itali, të datës 02.11.2007, shtetasi Dashamir Gjoka është dënuar me 10 vjet dhe 6 muaj burgim për vepra penale që nga ligji penal shqiptar parashikohen si veprat penale ' shfrytëzimi i prostitucionit' dhe ' trafikimi i personave', të parashikuara nga nenet 114 dhe 110/ a të Kodit Penal, duke qenë në këtë mënyrë subjekt i masave parandaluese pasurore të ligjit nr. 10192, datë 03.12.2009 ' Për parandalimin dhe goditjen e krimit të organizuar, trafikimit dhe korrupsionit nëpërmjet masave parandaluese kundër pasurisë'.
Në përfundim të gjykimit të kërkesës me objekt konfiskimin e pasurive në zotërim të personit të mësipërm, Gjykatës së Shkallës së Parë për Krime të Rënda vendosi konfiskimin e pasurive të paluajtshme të përshkruar si më poshtë: Pasuria e sekuestruar Pasuria me sipërfaqe 6949 m ² truall dhe 2012.17 m ² ndërtesë, kompleks shërbimesh "Gjoka", ndodhur në Durrës.
Pasuria me sipërfaqe 4639 m ² arë, ndodhur në Durrës;
Pasuria me sipërfaqe 1247 m ² truall dhe 230 m ² + 710 m ² ndërtesë, ndodhur në Durrës.
Pasuria me sipërfaqe 928 m ² truall dhe 229 m ² ndërtesë dy kate, ndodhur në Durrës.
Shoqëria "Gjoka" sh. p. k., së bashku me të gjitha asetet e saj.
Vlera totale e pasurive të konfiskuara është llogaritur në vlerën prej rreth 200.000.000 lekë ( të reja). Gjatë procesit gjyqësor rezultoi se pasuritë në zotërim të shtetasit Dashamir Gjoka nuk i përgjigjen dukshëm nivelit të të ardhurave, fitimeve apo veprimtarive të ligjshme të deklaruara prej tij dhe se personi i mësipërm nuk arriti që të provojë dhe të justifikojë burimin e ligjshëm të pasurive në zotërim të tij.
EMILJANO DHE EDLIR HYSENAJ
Emiljano Hysenaj me banim në Durrës akuzohet si pjesë e një organizate kriminale, që ka futur nga Ekuadori në Gjermani 1.8 tonë kokainë me vlerë tregu 400 milionë euro. Në këtë organizatë ishin 13 shtetas shqiptarë, që u arrestuan nga policia gjermane. Mësohet se aktualisht ai ndodhet në një burg në Gjermani, në lidhje me aksionin e 20 majit të 2018- ës. I gjithë grupi kriminal ishte i mirorganizuar me detyra të qarta dhe të përcaktuara. Sipas OFL- së, Emiljano Hysenaj akuzohet dhe pastrim parash. Ndërsa, i afërmi i tij, Edlir Hysenaj, dyshohet se gëzon pasuri të prejardhura nga krimi. Po ashtu mësohet se të dy këta persona kanë një vilë në fshatin Arapaj të Durrësit dhe një lokal në zonën e Plazhit.