Tenderi 17 mld lekë, SPAK sekuestron dosjen
Prokuroria e Posaçme merr nën hetim mbylljen e landfillit të Porto- Romanos Drejtoria e Ujësjellësit shpalli fitues pa garë
Prokuroria e Posaçme, SPAK sekuestron dosjen për tenderin 17 miliardë lekë të zhvilluar nga Agjencia Kombëtare e Ujësjellës- Kanalizime për mbylljen e landfillit të PortoRomanos. Në buletinin e Agjencisë së Prokurimeve Publike, Agjencia Kombëtare e Ujësjellës Kanalizimeve ka shpallur fitues pa garë bashkimin e operatorëve ndërmjet kompanisë shqiptare "Victoria Invest International" dhe asaj italiane, "De Mare" srl". Ajo çfarë vihet re është se fitimi i një prokurimi të tillë miliarda lekësh është zhvilluar pa garë, por me procedurë prokurimi "me negocim, pa shpallje paraprake", duke e argumentuar se për shkak të nevojës ekstreme në të cilën ndodhemi pas ngjarjeve të shkaktuara nga tërmeti i datës 26 nëntorit. Ky argument, si edhe i gjithë tenderi për mbylljen e landfillit të Porto- Romanos, krijon dyshime për një proces të paracaktuar. Burime për News 24 bëjnë të ditur se për këtë prokurim publik 17 miliardë lekë, të zhvilluar nga Agjencia Kombëtare e Ujësjellës kanalizimeve për mbylljen e landfillit të Porto Romanos, ku është shpallur fitues bashkimi i operatorëve "De Mare" srl dhe "Viktoria Invest International", në një procedurë të mbyllur, nga ato që konsiderohen "me negociim, pa shpallje paraprake", dosja është sekuestruar këtë fillim jave. Në bazë të dhënave të Qendrës Kombëtare të Biznesit kompaninë italiane "De Mare" srl, e regjistruar në QKR vetëm 3 ditë para tenderit, si dhe kompaninë shqiptare "Viktoria Invest International".
KOMPANITË FITUESE KOMPANI 3- MUJORE NË SHQIPËRI
Fituesit e tenderit rreth 15 milionë euro janë kompanitë
2 1
- 1 7 "Victoria Investment International" e regjistruar në Kosovë, pjesë e "Victoria Invest", e regjistruar në Shqipëri nga biznesmeni elbasanlli, Fatmir Kuçi. Ndërsa, kompania e dytë është "De Mare" srl, një kompani me qendër në Itali dhe që ka regjistruar në Shqipëri "De Mare- Albania", si degë e huaj e saj. Kompania mëmë drejtohet nga Fausto De Mare, nga rajoni jugor italian i Potenzas. Biznesmeni De Mare ka drejtuar, për disa kohë, edhe "Confcommercio"- n, Konfederatën Italiane të Sipërmarrjes dhe Aktiviteteve Profesionale dhe të Profesioneve të Lira. Në faqen zyrtare të kompanisë lexohet, ndër të tjera se, "shoqëria, ndër vite, ka siguruar një staf të kualifikuar, gjë e cila i ka lejuar që nga viti 2015 të zbatojë projekte, të realizojë drejtimin teknik të kantiereve të punës për realizimin e pastrimit dhe bonifikimit në zonat e Elbasanit, Tiranës e Fierit". Në bazë të të dhënave të Qendrës Kombëtare të Regjistrimit ( QKR), kompania "De Mare" është regjistruar në Shqipëri, fillimisht në 5 Qershor 2018, si "zyrë përfaqësimi" e "De Mare" srl, me objekt "Menaxhimi teknik i veprave të kryera nga kompania mëmë dhe ndjekja e punimeve dhe të politikave të shoqërisë".