Ballanca: Shkeljet e KED dhe boshllëku i krijuar nga vetingu favorizojnë korrupsion

Për

Avokaten e Popullit, Erinda Ballanca, propozimet e Këshillit të Emërimeve në Drejtësi për anëtarët e Gjykatës Kushtetuese krijuan një konflikt mes Presidencës dhe qeverisë, që dëmtoi besimin te reforma në drejtësi. Sipas saj dhe procesi i vetingut shkaktoi boshllëqe në organet e reja të drejtësisë. "Ky konflikt është një gjykim, i cili nuk e ndihmon Reformën në Drejtësi, as Kuvendi nuk mund t'i thotë Presidentit zgjidh këtë apo atë, as e kundërta, as Presidenti nuk i thotë Kuvendit, zgjidh këtë. Për më pak, KED, mund t'u thotë të dyve- zgjidhni vetëm këto që po ju çoj", deklaroi zj. Ballanca për TVT. Sipas saj KED duke i dërguar organit të emërtesës, në rastin konkret presidencës dhe Kuvendit, kandidatura të imponuara vetëm sa ka shkelur ligjin. "Ta limitosh edhe më tej mundësinë e përzgjedhjes nga organet që kanë të drejtë pa përzgjedhësin, numrin e kandidatëve, duke i dërguar, për shkak të dërgimit të datës të cilës t'i ia dërgon organit të emërtesës, për mua, kjo është e pajustifikuar. Është tërësisht në kundërshtim me qëllimin që KED ka, nuk është kjo fryma e ligjit, sepse në asnjë rresht të ligjit, nuk është menduar edhe për ndonjë koncept të ligjit, që duhet të jetë KED, ajo që duhet t'i zgjedh këto anëtarë, sepse po të ishte kështu, do t'i jepej një rol determinant përfundimtar", u shpreh ajo. Sipas avokates së Popullit, edhe procesi i vetingut mund të mos ishte interpretuar aq strikt, pasi ka krijuar pamundësi për kandidatura të mjaftueshme për organet e drejtësisë. Sipas saj e gjithë kjo problematikë në sistemin e drejtësisë, favorizon korrupsionin.