Emërohen dy zëvendësministret e reja në Ministrinë e Ekonomisë
mosi zgjatjen e licencës për shfrytëzimin e zonës për kompaninë "Albania Duty Free Distribution", ndërkohë që kompania koncesionare e aeroportit ia kishte refuzuar zgjatjen e licencës kompanisë. Një muaj më parë zëvendësministri tjetër Erjon Luçi u shkarkua nga detyra me vendim të Këshillit të Ministrave. Ministria e Financave dhe Ekonomisë, e cila ka nën varësi shumë institucione dhe mbulon disa fusha të rëndësishme të ekonomisë, financave dhe tregut të punës, u fuqizua shumë në mandatin e dytë të qeverisë "Rama" pasi bashkoi dy- tri ministri nën drejtimin e ish- ministrit Ahmetaj. I pari që u dorëhoq nga pozicioni dhe më pas u shkarkua nga qeveria ishte Erjon Luçi, që është është një nga drejtuesit e lartë më jetëgjatë të Financave, i cili e mori detyrën që në vitin 2013, kur Partia Socialiste erdhi në pushtet dhe në krye të financave u vu Shkëlqim Cani. Ditët e fundit dha dorëheqjen edhe Elton Haxhi duke mos bërë me dije arsyet. Kjo tërheqje e tij lidhet me konfliktin për zonën "Duty Free" në doganën e Rinasit dhe ambientet e aeroportit të Tiranës, pasi u njoftua një ditë pasi Ministria e Financave humbi gjyqin për anulimin e autorizimit, që i kishte dhënë në gusht 2019 "Albanian Duty Free Distribution" ( ADFD). Kishte qenë pikërisht zv. ministri Haxhi, që në mungesë të ministres i kishte dhënë autorizimin "Albanian Duty Free Distribution" ( ADFD) ndërkohë që kompania amerikane "International Cruise Duty Free" ( ICDF) pas një tenderi të hapur nga Tirana International Airport në nëntor 2018, pasi dha ofertën më të mirë financiare, fitoi të drejtën për menaxhimin e hapësirës "Duty Free" në aeroport për 5 vitet e ardhshme. Konflikti është zhvendosur në Gjykatën e Apelit Administrativ dhe është guri i provës për qeverinë shqiptare lidhur me përmirësimin e klimës për biznes për investitorët e huaj dhe ka marrë interesin e veçantë të ambasadës së SHBA në Tiranë dhe ambasadores së re përballë peripecive administrative të doganave, Ministrisë së Financave dhe gjykatave shqiptare që ua kalojnë përgjegjësitë njëra- tjetrës apo Kodit Doganor me shprehjen simbol të gjykatësit, "kur të lexoni vendimin do kuptoni, ku fle lepuri" .