Njohja e patentave në Gjermani, Rama: Provimin e kaluam me sukses
Ministri gjerman i Transporteve: Të befasuar nga përparimi
Pas marrëveshjes me Greqinë, Shqipëria ka nisur procedurat për njohjen e patentave edhe me Gjermaninë. Kryeministri Edi Rama njoftoi dje se pritet njohja e patentave të drejtimit të makinave në Gjermani. Nëpërmjet një statusi në Facebook, kreu i qeverisë shprehet se aprovimi i njohjes së patentave shqiptare të drejtimit, kalon përmes të 16 parlamenteve të landeve të Republikës Federale të Gjermanisë dhe kjo do të kërkojë pak kohë, ndaj duhet bërë durim. Kryeministri Edi Rama kërkoi pikërisht durim nga shqiptarët për procesin e njohjes së patentave, ndërsa shtoi se në Gjermani kanë vlerësuar përparimet e bëra në shërbimet digjitale. "Një lajm i mirë për miqtë e kësaj faqeje që presin njohjen e patentave të drejtimit të makinave të tyre në Gjermani. Në Konferencën e Sigurisë në Mynih, bisedova edhe me Ministrin Federal të Transporteve, i cili më tha, citoj, "Misioni ynë teknik në Tiranë është befasuar nga transformimet që keni kryer në Drejtorinë e Transportit Rrugor, përmes digjitalizimit të shërbimeve! Zgjidhjet e reja digjitale që keni realizuar janë origjinale dhe bindëse për t'i përcjellë Qeverisë Federale një opinion pozitiv", - u shpreh z. Rama. Kreu i qeverisë sqaroi se aprovimi i shumëpritur i njohjes së patentave shqiptare do të kërkojë pak kohë. Rama u shpreh besimplotë se ky problem do të marrë zgjidhje shumë shpejt. "Aprovimi i shumëpritur i njohjes së patentave shqiptare të drejtimit, kalon përmes të 16 parlamenteve të landeve të Republikës Federale të Gjermanisë dhe kjo do të kërkojë pak kohë, por ndërkohë çdo aprovim bën që në landin përkatës njohja të hyjë në fuqi menjëherë. Pak durim tanimë, se provimin e kemi kaluar me sukses dhe ky është një fakt që na inkurajon shumë për vazhdimin e Revolucionit Digjital. Një bravo të
madhe ekipit drejtues të DPSHTRR që po e transformon çdo ditë atë strukturë nga një vatër korrupsioni legjendar, në një mekanizëm modern shtetëror në shërbim të qytetarëve", -
shprehet Kryeministri Rama. Pak javë më parë, qeveria shqiptare arriti marrëveshjen me qeverinë greke për njohjen e lejeve të drejtimit. Greqia dhe Gjermania janë dy vende që
BISEDIMET
"Në Konferencën e Sigurisë në Mynih, bisedova edhe me Ministrin Federal të Transporteve, i cili më tha, citoj, "Misioni ynë teknik në Tiranë është befasuar nga transformimet që keni kryer në Drejtorinë e Transportit Rrugor, përmes digjitalizimit të shërbimeve! Zgjidhjet e reja digjitale që keni realizuar janë origjinale dhe bindëse për t'i përcjellë Qeverisë Federale një opinion pozitiv", tha z. Rama.
kanë një numër të lartë emigrantësh shqiptarë. Ndërkohë që në Itali, një tjetër vend ku ka më qindra mijë shqiptarë, patentat e lëshuar nga qeveria shqiptare njihen prej kohësh.