Sot Konferenca e Donatorëve, Ahmetaj: Presim 300- 350 milionë euro
"Bashkë për Shqipërinë", sa do të jetë ndihma financiare nga vendet pjesëmarrëse "I vështirë rindërtimi i shpejtë nëse shifra do jetë më e ulët"
Shqipëria do të mësojë sot sa do të jetë ndihma fi nanciare nga vendet pjesëmarrëse në konferencën e donatorëve në Bruksel, e thirrur nga Presidentja e Komisionit Evropian Ursula von der Leyen, pas tërmetit shkatërrimtar që u mori jetën 52 personave dhe la pas dëme të shumta në Durrës, Lezhë dhe Tirane. Apelit të Shqipërisë për mbështetje i janë përgjigjur vendet anëtare të Bashkimit Evropian, Ballkani Perëndimor, organizma ndërkombëtare financiarë, Banka Botërore, Organizata e Kombeve të Bashkuara dhe shumë shtete të tjera. Disa nga vendet anëtare të BE- së e kanë bërë publike fondin që ato do të japin në ndihmë të rindërtimit të zonave të prekura nga tërmeti. Ministri i Jashtëm i Holandës njoftoi se qeveria e vendit të tij do të dhurojë 3 milionë euro ndërsa Kroacia 1 milionë euro. Shuma përfundimtare pritet të zbulohet pasditen e sotme. Mirëseardhjen në Konferencën Ndërkombëtare të Donatorëve, nën titullin "Bashkë për Shqipërinë" do ta bëjë përfaqësuesja e lartë e Bashkimit Europian, Ursula von der Leyen. Më pas kryeministri Edi Rama dhe Presidenti i Këshillit europian Charles Michel do të mbajnë një deklaratë. Pas shfaqjes së materialeve video që tregojnë dëmet që la pas lëkundja e forte sizmike e 26 nëntorit, do të prezantohet i gjithë procesi i përllogaritjes së dëmeve që kap shifrën e thuajse e 1 miliardë eurove. Komisioneri për zgjerim Oliver Varhelyi do të japë konkluzionet e konferencës dhe në mbyllje do të ketë një deklaratë për mediat me prezencën e kreut të qeverisë. Edi Rama më herët është deklaruar se nga Konferenca e Donatorëve nuk pret një mbështetje 100 për qind, por një ndihmë të pjesshme për të përballuar financiarisht planin e rindërtimit.
PRITSHMËRITË
Qeveria shpreson që nga konferenca e donatorëve që do të mbahet në Bruksel të hënën në drejtimin e kryetares së Komisionit Europian të mund të marrë një mbështetje financiare që shkon në afro 35 % të gjithë shumës prej 1 miliard e 60 milionë euro që është përllogaritur kostoja e tërmetit të 26 nëntorit. Ministri i Rindërtimit Arben Ahmetaj deklaroi se pritshmëritë i mbështesin nisur dhe nga eksperienca të ngjashme në rast fatkeqësish natyrore në vende të tjera. "Nëse ne angazhojmë nesër
diçka midis 300 milionë deri në 350 milionë euro, nëse nuk ka bërë ndonjë magji kryeministri le të themi me turin e vet, pra natyrshëm do të shkonte tek 300- 350 milionë eurove, ku raporti midis granteve dhe kredive do të ishte diçka tek 70- 80 milionë euro vijnë grante dhe pjesa tjetër vijnë kredi të buta që janë të domosdoshme për rindërtimin", tha Ahmetaj për Tv Klan. Në rast se fondet e mbledhura do të jenë poshtë kësaj shume, Ahmetaj thotë se do të ishte e vështirë të përmbushej premtimi që brenda 1 viti të gjithë qyteta
rët të futeshin në shtëpitë e tyre. "Nëse do të ishte një shifër poshtë 300- 350 milionë euro e kombinuar grant kredi, atëherë do të gjendeshim përballë një vështirësie serioze financiare për të përballuar në kohën që ne duam gjithë pasojat e tërmetit. Ndryshe skenari pastaj do të ishte shumë afatgjatë", - theksoi z. Ahmetaj. Por, nëse do të ndodhte e kundërta dhe grandet dhe kreditë e buta të mbledhura në konferencën e Brukselit do ta kalonin shifrën e 350 milionë eurove, atëherë do të rriteshin mundësitë për të
AXHENDA
Mirëseardhjen në Konferencën Ndërkombëtare të Donatorëve, nën titullin "Bashkë për Shqipërinë" do ta bëjë përfaqësuesja e lartë e BE, Ursula von der Leyen. Më pas kryeministri Rama dhe Presidenti i KE Charles Michel do të mbajnë një deklaratë. Pas shfaqjes së materialeve video që tregojnë dëmet që la pas lëkundja e fortë sizmike e 26 nëntorit, do të prezantohet i gjithë procesi i përllogaritjes së dëmeve që kap shifrën e thuajse e 1 miliard eurove.
rimëkëmbur dhe sektorët e dëmtuar pas tërmetit. Por a e rrit borxhin publik marrja e këtyre kredive? "Shumë mirë nëse janë kredi, kemi mundësi t'i formatojmë brenda kuadrit makro me shumë kujdes dhe të ecim me dy korsi brenda buxhetit",- tha Ahmetaj. Aktualisht falë donacioneve të individëve dhe shoqatave që treguan solidaritet për të ndihmuar të prekurit nga tërmeti janë mbledhur dhe afro 20 milionë dollarë pa përfshirë këtu dhe kontributin e Turqisë që do të ndërtojë 500 shtëpi të reja në zonën e Laçit.