Ligji për betimin e gjyqtarëve, Vasili: Rama e Ruçi, fyen dhe provokuan Venecian
"Veprim banditesk, ligji u miratua pa pritur opinionin"
i LSI, Petrit Vasili teksa iu rikthye ndryshimit të ligjit për betimin e gjyqtarëve të Gjykatës Kushtetuese, akuzoi se Edi Rama dhe Gramoz Ruci hodhën poshtë Komisionin e Venecias. "Kryeministri dhe kreu i Kuvendit guxuan të poshtërojnë, të ofendojnë, të shkelin me këmbë edhe institucionet ndërkombëtare. Në rastin konkret një institucion autoritar, i cili ka qenë përcaktues për legjislacionin e Shqipërisë, siç është Komisioni i Venecias. Komisioni vjen në Tiranë për të dëgjuar palët, për të marrë mendimet e veta dhe në datën 13 shkurt takon Gramoz Ruçin që e kishte thirrur
Komisioni i Venecias për këto punë, që kërkonte sqarime, opinione, por Ruçi kishte bërë seancë plenare një ditë përpara dhe e kishte miratuar atë",- tha z. Vasili. Sipas tij, ky është një turp për Shqipërinë që vërteton se vendi qeveriset nga bandat. "Ky është një turp që Shqipëria nuk e ka parë ndonjëherë, që të kërkojë mendim dhe të mos ta presë mendimin, por që më përpara ta botojë ligjin në parlament ndërkohë që ishte kërkuar, ndërkohë që një delegacion nga 7 vende të ndryshme të Europës vijnë të verifikojnë situatën me seriozitet, Gramoz Ruçi me Edi Ramën e kanë marrë vendimin e tyre, që ai anëtari i Gjykatës Kushtetuese të betohet tek posta e lagjes. Ky është një nga ato veprime të qarta, flagrante skandaloze, të turpshme, që tregojnë qartazi që në krye të qeverisë ekzistojnë disa banditë politike, e në krye të Parlamentit ekzistojnë po këta banditë politikë. Këto janë veprime banditeske dhe asgjë më shumë se kaq", u shpreh z. Vasili.