Autoriteti Konkurrencës: Po hetojmë “Bankers Petroleum” për shkeljet në rafinerinë e Ballshit

Pas

grevës së urisë së naftëtarëve të rafinerisë së Ballshit, Autoriteti i Konkurrencës ka hapur një hetim ndaj kompanisë “Bankers Petroleum”. Autoriteti i Konkurrencës po heton kompaninë “Bankers Petroleum” për vendosjen e një konkurrence të lire dhe efektive në treg. Autoriteti duhet të marrë masa kundrejt çdo subjekti që shkel rregullat e konkurrencës. Dje naftëtarët e Ballshit ishin në ditën e gjashtë të grevës së urisë dhe si pasojë gjendja shëndetësore e tyre është rënduar së tepërmi. Ndërkohë, në një letër publike, administratori i “Tosk Energy” që menaxhon rafinerinë e Ballshit akuzoi kompaninë Bankers Petroleum se nuk i furnizonte mjaftueshëm me naftë bruto duke bërë që të ndërprisnin punën duke mos paguar njëkohësisht edhe punonjësit. Autoriteti i Konkurrencës, bën me dije se është i përkushtuar në trajtimin e këtij hetimi, sipas rregullave dhe afateve ligjore, dhe në përputhje me standardet ligjore të Bashkimit Europian. Komisioni i Konkurrencës, me vendimin nr. 652, datë 10.10.2019 ka vendosur “Për hapjen e procedurës së hetimit te hetuar ndaj ndërmarrjes Bankers Petroleum Albania Ltd në tregun e prodhimit dhe tregtimit të naftës bruto”. Në zbatim te ligjit nr. 9121/ 2003 “Për mbrojtjen e konkurrencës”, i ndryshuar, Autoriteti i Konkurrencës respekton procedurat ligjore sipas afave kohore të përcaktuara në të. Çdo procedurë hetimore i nënshtrohet këtyre afateve. Objekt i veprimtarisë së Autoritetit të Konkurrencës, nuk janë marrëdhëniet kontraktore midis palëve, të cilat bazohen në vullnetin e lirë dhe të plotë të tyre, por vendosja e një konkurrence të lire dhe efektive në treg, kundrejt çdo subjekti që shkel rregullat e konkurrencës. Autoriteti i Konkurrencës, bën me dije se është i përkushtuar në trajtimin e këtij hetimi, sipas rregullave dhe afateve ligjore, dhe në përputhje me standardet ligjore të Bashkimit Europian.