Mbetjet e rrezikshme në Vlorë, Malltezi: Prokuroria të hetojë trafikun ndërkombëtar
PD: Bandat në qeveri po bëjnë biznes me vdekjen
PD-
ja i bëri thirrje dje prokurorisë të bashkëpunojë me prokurorinë e Leçes për të hetuar trafikun ndërkombëtar të mbetjeve të rrezikshme, duke ju referuar ngarkesës me amiant të bllokuar në tragetin që kishte ardhur nga Brindizi. Jamarbër Malltezi, kreu i departamentit për mjedisin kërkoi nga organi i akuzës të dërgojë në Vlorë polici shkencore dhe të marrin mostrat për t'i analizuar në laboratorët e akredituar të mbetjeve të rrezikshme, pasi në Shqipëri nuk ka asnjë laborator të akredituar për këto lloj mbetjesh. "Edi Rama do na thotë prapë se edhe në darkën e ngrohtë, ia ulen trafikantin me zor, por shqiptaret e kanë të qartë lidhjen e Ramës me trafiqet, bandat, drogën dhe plehrat. Kjo qeveri duhet hequr qafe si një mbetje e rrezikshme për qytetarët. Në përpjekje për të fshehur importin e kancerit, qeveria dje tentoi të gënjente sikur nuk janë mbetje të rrezikshme, por ky vend nuk ka laboratorë të akredituar të mbetjeve të rrezikshme ndërsa mbetjet radioaktive janë pjese e vogël e mbetjeve te rrezikshme. Azbesti dhe vajrat e ndotura nuk janë radioaktive, por janë mbetje toksike kancerogjene. Prokuroria shqiptare i detyrohet popullit të Vlorës që mos të mbyllë sytë, por të bashkëpunojë me prokurorinë e Leçes për të hetuar këtë trafik ndërkombëtar mbetjesh të rrezikshme, të sjellin polici shkencore dhe të marrin mostrat për t'i analizuar në laboratorët e akredituar të mbetjeve të rrezikshme, pasi në Shqipëri nuk ka asnjë laborator të akredituar për këto lloj mbetjesh. Shqiptarët nuk ka pse bëhen kurban të luftës së klaneve në PS që duan të bëjnë biznes me vdekjen", - tha z. Malltezi.