Shtrëngohen masat, kontrolle të rrepta në pikat kufitare
Shqipëria
ka nisur të sh trëngojë masat ndaj koronavirusit. Në portin e Vlorës stafi mjekësor ditët e fundit u dyfishua, teksa inspektorët shëndetësorë nuk tolerojnë më sa i përket monitorimit shëndetësor dhe intervistimit të udhëtarëve tek të cilët konstatohen anomali shëndetësore, kryesisht ata me temperaturë. Edhe në doganën e Morinës në Kukës, urdhri i Ministrisë së Shëndetësisë për dyfishimin e personelit mjekësor dhe kontrolleve në pikat kufitare është vënë ndër prioritetet e procedurës së kalimit. Dy ekipe mjekësh monitorojnë situatën në 24 orë, ndërsa shprehen se ata kanë infrastrukturën e duhur për identifikimin e rasteve, ku fatmirësisht deri tani nuk ka pasur asnjë rast të dyshuar. Në të gjitha pikat kufitare të Shqipërisë mësohet se janë ngritur edhe dhomat e karantinës për rastet që dyshohen. Ndërkohë, në 24 orët e fundit janë dyfishuar kontrollet në aeroportin e vetëm të pasagjerëve në Rinas si masë shtesë për rritjen e zbulueshmërisë së koronavirusit. Pasagjerët pohojnë se u është matur temperatura me të zbritur nga avioni. Sipas raportimeve nga Njësia Shëndetësore e Kontrolleve në Rinas, në 12 orët e fundit kanë udhëtuar nga Italia drejt Shqipëri 460 udhëtarë.
Deri më tani nuk ka as një rast të dyshuar apo të konfirmuar me koronavirus në Shqipëri. Kjo është bërë me dije ditën e djeshme nga drejtuesja e Departamentit të Epidemiologjisë në Institutin e Shëndetit Publik, Silva Bino, gjatë një deklarate për mediat mbi situatën në vend dhe masat e marra nga autoritetet për koronavirusin. Ajo theksoi se nuk ka vend për panik dhe u bëri thirrje qytetarëve që të zbatojnë masat dhe të kujdesen për shëndetin. "Nuk duhet të ketë panik, për momentin nuk kemi asnjë rast të dyshuar në Shqipëri. E rëndësishme të jemi vigjilentë, por edhe të kujdesshëm për veten dhe të afërmit tanë. Ky virus nuk luftohet vetëm nga strukturat qeveritare, por dhe duke u kujdesur. Mos pështyjmë përtokë, të vendosim gropëzën e bërrylit kur teshtimë. Të mos prekim hundën, gojën. Janë disa rregulla të thjeshta sanitare. Ky është një virus i thjeshtë. Përhapet po në atë rrugë që përhapet virusi i gripit. Gripin nuk e marrim në konsideratë shpeshherë, por ky virus ka një vdekshmëri disi më të lartë se gripi. Kjo është këshilla e parë, duhet të kujdesemi për higjienën", deklaroi ekspertja e Shëndetit Publik.
GATISHMËRIA
Silva Bino theksoi se Instituti i Shëndetit Publik e përcakton diagnozën e koronavirusit në vend dhe se ka disa pajisje që janë për diagnostikim. "Nuk ka veç një pajisje, por disa pajisje që ndihmojnë njëra- tjetrën. Ka të gjitha kitet, të gjithë reagentët për t'u kryer diagnoza e koronavirusit në vend. Laboratori i ISHP- së është pjesë e rrjetit të laboratorëve europianë. Ne jemi të pajisur, të kontrolluar. Ne jemi në atë hap që janë gjithë vendet e tjera të botës dhe sidomos të Europës", tha më tej Bino. Ajo deklaroi se janë përforcuar masat në kufi dhe apeloi që të gjithë ata që udhëtojnë drejt apo nga zonat e prekura të njoftojnë për çdo shqetësim. "E di që të gjithë e keni mendjen atje. Ju bëj thirrje të gjithë qytetarëve që udhëtojnë të jenë të kujdesshëm dhe të raportojnë çdo shqetësim shëndetësor. Në aeroport ndodhet njësia e inspektoratit sanitar e përbërë nga mjekë e personel shëndetësor. Virusi në asnjë vend të botës nuk mund të ndalet në aeroport. Ka shumë diskutime për skanerat, për temperaturat. Por