Rama: Presidenti s'mund të firmosë dekret për shpërndarje parlamenti
"Mitingu i Metës më madhështori nga unikaliteti"
Kryeministri Edi Rama paralajmëroi dje se Kuvendi nuk do të njohë asnjë dekret për shpërndarjen e parlamentit. Në përgjigje të pyetjeve të gazetarëve rreth datës 15 mars, që Presidenti i la mazhorancës si kohë reflektimi ndaj dekretit të firmosur sot për kthimin e ligjit për betimin e gjyqtarëve të Kushtetueses përpara aktit ekstrem të shpërndarjes së Kuvendit, Rama tha se kreut të shtetit nuk i ka mbetur më asgjë si president dhe se ai sipas kryeministrit çeli fushatën brenda opozitës. Rama u shpreh me ironi se Ilir Meta mund të firmosë edhe një dekret që i shpallë luftë SHBA, por Kuvendi nuk do ta njohë. "Ku është e reja këtu? Sot Komisioni Europian, i riu, ka dhënë rekomandimin për hapjen e negociatave të Shqipërisë në BE, duke publikuar një progresraport që përforcon rekomandimin e vitit të shkuar. Ky është lajmi për mua sot. Dhe ndërkohë ka dhe një koincidencë, shkojmë në Bruksel dhe marrim një mbështetje të jashtëzakonshme, duke siguruar financimet e nevojshme dhe po atë ditë presidenti, që sot presidenti nuk ka asgjë, del dhe shpërthen para jush si minë e programuar për të bërë atë gjë atë ditë. Sot del një raport në Bruksel që normalisht duhet ta gëzonte një President të Republikës, por që ta hidhëronte në pikën që të rishpërthejë para të gjithëve është për të qarë. Për mua është diçka e pritur dhe jo befasuese. Presidenti i Republikës nuk mund të firmosë dekrete të tilla ndërsa Iliri që nuk ka asgjë për Presidentin më dhe sot ka çelur një fushatë brenda opozitës mund të firmos dhe dekret për t'i shpallur luftë ShBA, por parlamenti nuk do ta njohë", - deklaroi z. Rama. Po dje në një tjetër reagim Kryeministri Edi Rama e konsideroi unikal manifestimin e organizuar nga Presidenti i Republikës, Ilir Meta, duke theksuar se Presidenti është mbi palët në Shqipëri. "Unë besoj që duhet të jetë rasti i parë dhe i vetëm në historinë e demokracisë në botë që Presidenti i Republikës, aq më tepër në një republikë parlamentare aq më tepër që presidenti është mbi palët, aq më tepër që Ilir Meta dorëzoi teserën e partisë e bën këtë miting edhe më madhështor nga unikaliteti i vet dhe marrëzisë së vet", theksoi Rama për T7 në Kosovë. I pyetur për kontrollin e pushteteve, Rama tha se qeveria nuk ka pushtet mbi atë që parashikon Kushtetuta, ndërsa përjashton pushtetin vendor. "Duhet të diskutojmë mbi faktet pas lidhur me përshtypjen. Unë nuk di që qeverisja jonë të ketë më shumë pushtet se sa i jep e drejta kushtetuese. Pushteti vendor është disporcional. Nuk është rezultat i
TAULANT BALLA
"Edhe Besëlikja me Republikën e Re bashkë janë sot në të njëjtin front për të penguar dhe dëmtuar çdo lloj ecje të reformës në drejtësi dhe të rrugës europiane të Shqipërisë. Çdo protestë apo manifestim kundër reformës në drejtësi as që ka për t'ia arritur kurrë të pengojë këtë angazhim të historisë së re të drejtësisë në Shqipëri dhe të historisë së anëtarësisë në BE", - tha z. Balla.
marrjes së këtij pushteti me forcë. Kundërshtarëve tanë nuk u është cenuar e drejta për të hyrë në zgjedhje. Nëse ne do të thoshim OK, nëse ju nuk hyni dhe as ne nuk hyjmë, do të krijonim një precedent ku çdo opozitë do të bllokonte zgjedhjet",- nënvizoi kryeministri Rama.