"Do angazhohemi për negociata të shpejta, Gjermania: KE i dha Shqipërisë një dëftesë të mirë!
i Jashtëm i Gjermanisë, Heiko Maas, vlerë son raportin pozitiv të Komisionit Europian për çeljen e negociatave për Shqipërinë dhe Maqedoninë e Veriut. Mesazhi i ministrit u publikua në faqen e "Facebook" të ambasadës gjermane, ku ndër të tjera diplomati thekson se do të angazhohen për hapjen e shpejtë të negociatave të anëtarësimit me të dy vendet. "Ministri i Jashtëm Federal Heiko Maas deklaroi sot në lidhje me prezantimin e raporteve të ndërmjetme të Komisionit Evropian ???? për Shqipërinë e dhe Maqedoninë e Veriut: "Komisioni Europian i dha Shqipërisë dhe Maqedonisë së Veriut përsëri një dëftesë të mirë. Të dy vendet kanë bërë progres të qartë në reformat e rëndësishme - para së gjithash në forcimin e sistemit të drejtësisë dhe luftën kundër krimit të organizuar dhe korrupsionit. Ne ndajmë vlerësimin pozitiv të Komisionit të BE- së. Për këtë arsye ne do të angazhohemi në rrethin e BE- së për hapjen e shpejtë të negociatave të anëtarësimit me të dy vendet. Negociatat e anëtarësimit janë instrumenti më i mirë për t'u dhënë Shqipërisë dhe Maqedonisë së Veriut mbështetjen më të mirë të mundshme dhe për t'u kërkuar atyre progres të mëtejshëm. Pa një sinjal inkurajues të BE- së, ne do të rrezikonim përparimin e madh të viteve të fundit. Kjo do të dëmtonte interesat e BE- së dhe të Gjermanisë. Ne kemi nevojë për shtete ligjore demokratike, të qëndrueshme dhe efikase në Ballkanin Perëndimor", shprehet ministri gjerman.
punën që po bëhet për ngritjen e Gjykatës së Lartë dhe Gjykatës Kushtetuese. KE, evidenton faktin se për shkak të vetingut, janë krijuar shumë vakanca, ndërsa thotë se deri në fund të muajit mars një nga dhomat e Gjykatës së Lartë pritet të jetë funksionale. Megjithatë, Raporti nënvizon nevojën për ngritjen sa më parë të këtyre institucioneve, duke evidentuar edhe përplasjet mes presidentit dhe mazhorancës për emërimet në Gjykatën Kushtetuese. "Shqipëria po bën përparim
për të rindërtuar Gjykatën Kushtetuese duke ndjekur vetingun e anëtarëve të saj dhe ka emëruar disa anëtarë të rinj. Kjo do të krijojë bazën që Gjykata Kushtetuese të rimarrë funksionalitetin dhe të rrisë besimin e publikut. Tani Gjykata ka katër anëtare. Ekziston një mosmarrëveshje për një nga gjyqtarët e fundit të emëruar, për shkak të një interpretimi të ndryshëm të procedurës së emërimit nga Presidenti i Republikës. Komisioni i Venecias do të japë një opinion mbi
këtë çështje në Mars 2020. Me katër anëtarët e tanishëm, Gjykata ka kuorumin minimal prej tre gjyqtarëve për të gjykuar mbi pranueshmërinë e çështjeve. Gjykatës i duhen gjashtë anëtarë të ulur në seancë plenare për të qenë plotësisht funksionale dhe të jenë në gjendje të zhvillojnë seanca dëgjimore', - citohet dokumenti i KE- së.
KRIMI
Përditësimi i raportit përshkruan edhe historikun e demonstruar në luftën kundër korrupsionit dhe krimit të organizuar, duke përfshirë kultivimin e kanabisit dhe trafikun e drogave të forta. Në përgjithësi, raporti i kushton një hapësirë të rëndësishme luftës kundër krimit në Shqipëri. Në raport përmenden disa nga sukseset e autoriteteve shqiptare, në fillim të vitit 2020, lidhur me luftën kundër krimit. "Në shkurt të vitit 2020, në kuadrin e ligjit antimafia, SPAK sekuestroi pasuritë e një shtetasi shqiptar, të dënuar në Itali për trafik droge dhe krim të organizuar. Në shkurt të vitit 2020, autoritetet shqiptare morën pjesë në dy operacione të suksesshme me agjencitë e zbatimit të ligjit në Itali në luftën kundër trafikut ndërkombëtar të drogës. Këto operacione u kryen gjithashtu në koordinim me agjencitë nga Shtetet e tjera Anëtare të BE- së, përfshirë Holandën",- citohet në raportin e KE. Ai, gjithashtu, vë në dukje çështje të tjera të rëndësishme, të tilla si marrëveshja për të ardhmen e Reformës Zgjedhore dhe përpjekjet për të adresuar kërkesat e pabazuara për azil, të cilat janë 25 % më pak se në vitin 2017 kur u shënua edhe kulmi i aplikimeve.