Deputeti Kujtim Gjuzi denoncohet për dhunë ndaj gruas dhe djalit, gjykata: Qëndroju 200 m larg
Reagon kryetari i PK: Nuk kam dhunuar njeri
TIRANË - Kreu i Partisë Konservatore dhe deputeti i Parlamentit Shqiptar, Kujtim Gjuzi është urdhëruar nga gjykata që t'i qëndrojë 200 metra larg bashkëshortes dhe djalit të tij, 16vjeçar. Mësohet se Gjuzi, është denoncuar në policinë e Tiranës nga gruaja me inicialet M. K. dhe djali H. Gj, për dhunë në familje. Si pasojë e një konflikti në familje, Kujtim Gjuzi, besohet se ka ushtruar dhunë ndaj bashkëshortes dhe djalit të tij 16, vjeçar, të cilët më pas e kanë denoncuar në polici dhe më pas i janë drejtuar gjykatës së Tiranës, duke kërkuar një urdhër- mbrojtje. Vetë deputeti Gjuzi, është person ligjbërës në parlament ku në ditët në vijim pritet të votojë paketën ligjore për ashpërsimin e dënimit të dhunuesit e grave. Ndërkaq, mësohet se ngjarja ka ndodhur në nën
REAGIMI I GJUZIT
Pas publikimit të lajmit ka reaguar në rrjete sociale, deputeti Kujtim Gjuzi. Ai shkruan se nuk i ka dhunuar kurrë ata, ndërsa e cilëson denoncimin një nxitje nga motra e bashkëshortes e cila, thotë ai, është denoncuar në polici prej tij. "Unë Kujtim Gjuzi deklaroj me përgjegjësi se nuk e kam dhunuar kurrë djalin e bashkëshorten që ndikohet nga motra e kallëzuar në polici nga unë",- ka shkruar deputeti.
tor të vitit të kaluar, ku gruaja, së bashku me djalin e saj, kanë kërkuar urdhërmbrojtje në gjykatën e Tiranës, ku gjyqtarja Kaçe Agolli, ka pranuar kërkesën e nënë e bir, duke
i pajisur me urdhrin e mbrojtjes. Në vendimin e saj gjyqtarja Agolli urdhëron deputetin Kujtim Gjuzi të mos kryejë dhunë në familje ndaj bashkëshortes së tij dhe djalit H. Gj. Njëherësh, gjykata urdhëron që Kujtim Gjuzi, të mos cenojë dhe ngacmojë gruan me inicialet M. K. dhe djalin e tij. Gjithashtu, në vendim thuhet dhe ndalohet që deputeti Kujtim Gjuzi të mos shkojë dhe hyjë dhe as mos qëndrojë në apartamentin në pronësi të gruas dhe djalit, në një distancë prej 200 metra. Po kështu nëpërmjet këtij vendimi të gjykatës së Tiranës, urdhërohet që të dyja palët si deputeti Kujtim Gjuzi dhe gruaja e tij, të bëjnë përpjekje maksimale për t'i siguruar fëmijës së tyre H. Gj, qetësi dhe të mos e përfshijnë fëmijën në problematikat e tyre. Një tjetër pikë e vendimit është dhe një urdhëresë që i lëshohet komisariatit nr. 1 në Tiranë, të cilës sipas vendimit të gjykatës duhet të shoqërojnë deputetin Kujtim Gjuzi për të tërhequr sendet personale nga apartament në pronësi të gruas. Mësohet se ky vendim tashmë është lënë në fuqi edhe nga Gjykata e Apelit Tiranë, dhe deputetit Kujtim Gjuzi, nuk i mbetet gjë tjetër veçse nën shoqërinë e efektivave të policisë të tërheqë sendet personale nga shtëpia dhe të largohet nga banesa e bashkëshortes së tij. Ndërkaq, pas publikimit të lajmit ka reaguar në rrjete sociale, deputeti Kujtim Gjuzi. "Unë Kujtim Gjuzi deklaroj me përgjegjësi se nuk e kam dhunuar kurrë djalin e bashkëshorten që ndikohet nga motra e kallëzuar në Polici nga unë",- ka shkruar deputeti.