OFL vë në shënjestër dy të dënuar për vrasje, armë pa leje dhe drogë: Deklaroni pasurinë brenda 48 orëve
Aurel Hoxhallari, "baroni" i drogës në Spanjë, tentoi të ekzekutonte mikun e Shullazit Në "sitë" Elidon Kotorri, autori i vrasjes së trefishtë në vitin 2000 në zonën e “Vasil Shantos”
Dy persona të njohur për drejtësinë sh qiptare janë vendosur në ' shënjestër' të Operacionit Forca e Ligjit. Bëhet fjale për Aurel Hoxhallarin dhe Elidon Kotorrin. Mësohet se Hoxhallari rezulton i dënuar për veprat penale "Vrasja me paramendim, në bashkëpunim", "Armëmbajtja pa leje" dhe "Prodhimi dhe shitja e narkotikëve", ndërsa Kotorri është i dënuar për veprat penale "Vrasja me paramendim, e kryer në bashkëpunim" dhe "Armëmbajtja pa leje".
NJOFTIMI I OFL
Në zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL vijon intensivisht punën për kryerjen e veprimeve komplekse, në bashkëpunim me strukturat e tjera të Policisë së Shtetit.
Në kuadër të Aktit Normativ nr. 1, datë 31.01.2020, OFL u ka dërguar kërkesat për vetëdeklarim të pasurisë, shtetasve: A. H., banues në Tiranë, i dënuar për veprat penale "Vrasja me paramendim, në bashkëpunim", "Armëmbajtja pa leje" dhe "Prodhimi dhe shitja e narkotikëve" dhe E. K., banues në Tiranë, i dënuar për veprat penale "Vrasja me paramendim, e kryer në bashkëpunim" dhe "Armëmbajtja pa leje". Këta individë, si subjekt i Ligjit Special, duhet t'u përgjigjen me shkrim, brenda 48 orësh, të gjitha pyetjeve të OFL- së, të cilat do t'i dërgohen SPAK- ut, për veprime të mëtejshme.
OFL bën me dije se të gjithë personat që iu është dërguar kërkesa me shkrim për vetëdeklarimin e burimeve të pasurisë, i kanë plotësuar formularët dhe i kanë dorëzuar pranë OFL- së, e cila ka vijuar me procedurat, sipas përcaktimit në Aktin Normativ nr. 1, të datës 31 janar 2020. OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.
KUSH ËSHTË ELIDON KOTORRI
Ai është autori i vrasjes së trefishtë, e cila ndodhi në vitin 2000 në zonën e ' Vasil Shantos'. Ai u lirua nga burgu i sigurisë së lartë të Peqinit, ku pasi kreu 20 vite burg përfitoi nga amnistia dhe sjellja e mirë në qeli. Në vitin 2000 në ' Vasil Shanto', Kotorri ekzekutoi Andi Hasanin, Sokol Alushin dhe Gazmend Zenelin si dhe plagosi Grigor Stefanin. Masakra u konsiderua si hakmarrje ndaj Hasanit, i cili mendohet se në vitin 1998 vrau mikun e Kotorrit Elton Zajmin. Autori i kësaj masakre u dënua me burg të përjetshëm por avokatët e tij e dërguan çështjen në
Gjykatën e Strasburgut. Hetimet zbuluan se gjykimi nga pala shqiptare kishte problematika dhe shkelje ligjore dhe përfundimisht, Kotorri u dënua me 25 vite burg nga Strasburgu. Në gush të vitit 2019 doli i lirë. Mbi Kotorrin rëndojnë akuzat: "Vrasja me paramendim, e kryer në bashkëpunim" dhe "Armëmbajtja pa leje"
KUSH ËSHTË
AUREL HOXHALLARI
Ai nuk është një emër i panjohur për policinë. Ai është vënë në pranga në vitin 2015 pasi dyshohej se ishte porositësi i vrasjes së Pajtim Serjanit, mikut të Emiljano Shullazit, në "Rrugën e Kavajës" në Tiranë. Dy kushërinjtë akuzoheshin se kishin porositur Artur Bazen për të eliminuar Serjanin, por Gjykata e Krimeve të Rënda i la ata të lirë për mungesë provash. Hoxhallari njihet edhe si baroni i drogës në Spanjë. Ai është akuzuar edhe si organizatori i vrasjes makabre të Devi Kasmit. Hoxhalalri mendohet të ketë qenë personi që ka kontaktuar me ekzekutorin grek Eftimius Eftimius, i cili kishte qenë edhe pjesëtar i Forcave Speciale Greke. Mbi Hoxhallarin rëndojnë akuzat: "Vrasja me paramendim, në bashkëpunim", "Armëmbajtja pa leje" dhe "Prodhimi dhe shitja e narkotikëve".