"Në detyrë deri në 2022". Meta: Protesta në të gjithë Shqipërinë
Presidenti: Ideatorët e grushtit të shtetit janë projektuesit e shpopullimit të Shqipërisë "Deri atëherë s'kam ambicie as për kryeministër e kryetar opozite"
Presidenti Ilir Meta është i vendosur t'i shkojë deri në fund asaj që nisi më 2 mars. Në një reagim në "Facebook", kreu i shtetit thotë se do të vazhdojë të jetë në detyrë deri në 24 korrik 2022 dhe deri në këtë datë shprehet se nuk synon as kryeministrin, as liderin e opozitës. "Mos u lodhni kot me konspiracione! Jam Presidenti i Republikës dhe lider i sovranitetit dhe unitetit kombëtar, në mbrojtje të Kushtetutës, lirisë dhe demokracisë! Ky është projekti im i vetëm deri në 24 korrik 2022! Nuk synoj as për kryeministër dhe as për kryetar opozite deri atëherë", shprehet kreu i shtetit. Atë që bëri në 2 mars, shprehet se do ta bëjë në të gjithë Shqipërinë. "Por nga 2 marsi unë kam zbritur në shesh dhe do të vazhdoj shesh më shesh, në të gjithë Shqipërinë, derisa të rivendosim vullnetin e sovranit në çdo institucion. Po, qeveria duhet të ketë frikë nga populli, jo populli nga qeveria", mbyll postimin e tij në "Facebook", Presidenti Ilir Meta. Në tubimin e 2 marsit, kreu i shtetit tha se nëse nuk zbatohet dekreti për "betimin e gjyqtareve", pas 15 marsit do të shpërndajë parlamentin.
AKUZA
Presidenti Ilir Meta në një tjetër reagim akuzoi se ideatorët e grushtit të shtetit janë projektuesit e shpopullimit të Shqipërisë. Kreu i shtetit shprehu shqetësimin se e ardhmja e Shqipërisë është vënë në pikëpyetje për të rinjtë. Ai shkruan në "Facebook" se ideatorët e grushtit të shtetit janë projektuesit e shpopullimit të Shqipërisë, duke përmendur 400 mijë të larguarit nga vendi. "E ardhmja e Shqipërisë, më shumë se asnjëherë tjetër është vënë në pikëpyetje veçanërisht për të rinjtë tanë, studentët dhe të sapodiplomuarit. Ideatorët e grushtit të shtetit janë edhe projektuesit e shpopullimit të Shqipërisë. 400 mijë shqiptarë, kryesisht të rinj, janë larguar nga vendi gjatë viteve të fundit. Ndaj, zëri i të rinjve dhe të rejave nuk mund të mungonte në manifestimin madhështor mbarëkombëtar për mbrojtjen e Kushtetutës. Duke e falënderuar studenten e shkëlqyer të Fakultetit të Drejtësisë në Universitetin e Tiranës, Oneda Skënderi dhe dhjetëra e mijëra vajza e djem që morën pjesë në nisjen e pranverës kuqezi, po e ndaj sot me ju përshëndetjen e saj në manifestimin e 2 marsit. Pranvera kuqezi nuk do të ndalet! në radhë të parë për rininë tonë të mrekullueshme!
MESAZHI
Kreu i shtetit, Ilir Meta, publikoi dje në "Facebook" një foto me boksierin Christian Demaj, i cili ishte i pranishëm në manifestimin e 2 marsit. Meta thekson se nuk do ta harrojë deri sa të vdesë, videon që boksieri i nisi dhe thirrjen e tij për pjesëmarrjen në manifestimin e 2 marsit. Meta përmend se gjatë drekës me boksierin është mrekulluar "edhe më shumë kur ndjeva patriotizmin e pafund dhe
dëshirën për t'u kthyer sa më parë përgjithmonë në Shqipëri, edhe pse ka lindur e jeton në Gjermani. Duke qëndruar me kampionin pashë dhe disa shenja sakrificash nga ndeshja e fundit. Si mund të ketë fitore pa sakrifica? Si mund të ketë demokraci dhuratë?". "I lumtur të kaloja një drekë të paharrueshme me kampionin ndërkombëtar të boksit, Christian Demaj. Nuk do ta harroj deri sa të vdes atë natë kur në ' WhatsApp'- in tim
NJOFTIM SHITJE ME ANKAND
DEKLARATA
Presidenti deklaroi se do të vazhdojë të jetë në detyrë deri në 24 korrik 2022. "Mos u lodhni kot me konspiracione! Jam Presidenti i Republikës dhe lider i sovranitetit dhe unitetit kombëtar, në mbrojtje të Kushtetutës, lirisë dhe demokracisë! Ky është projekti im i vetëm deri në 24 korrik 2022! Nuk synoj as për kryeministër dhe as për kryetar opozite deri atëherë", shprehet z. Meta.
mbërrin një video me një boksier që sapo kishte mbaruar një ndeshje ndërkombëtare. Po ç'lidhje ka kjo me mua thashë? Më pas dëgjova një apel të tij që bënte thirrje për të marrë pjesë në manifestimin për mbrojtjen e Gjykatës Kushtetuese dhe se ia dedikonte këtë fitore këtij manifestimi madhështor mbarëkombëtar. Gjumi im u prish se nuk po kuptoja nëse ishte një video ' fake' apo e vërtetë. Sot u mrekullova edhe më shumë
kur ndjeva patriotizmin e pafund dhe dëshirën për t'u kthyer sa më parë përgjithmonë në Shqipëri, edhe pse ka lindur e jeton në Gjermani. Duke qëndruar me kampionin, pashë dhe disa shenja sakrificash nga ndeshja e fundit. Si mund të ketë fitore pa sakrifica? Si mund të ketë demokraci dhuratë? Pranvera kuqezi sapo ka nisur. Shqiponjat do të kthehen në fole. Faleminderit shqiponjë kampione!", - shkruan Ilir Meta.