COVID- 19, mbyllen shkollat për dy javë në të gjithë vendin, pezullohen aktivitetet
"Vetëkarantinim i detyruar për ata që vijnë nga ' zonat e kuqe' të Italisë"
Pas konfirmimit të dy rasteve të para me ko ronavirus në Shqipëri, kryeministri Edi Rama së bashku me qeverinë kanë organizuar një mbledhje të jashtëzakonshme. Në këtë të fundit ata diskutuan mbi masat që do të merren lidhur me parandalimin e përhapjes së virusit në Shqipëri. Kreu i ekzekutivit njoftoi mbylljen e të gjitha institucioneve arsimore në Shqipëri për dy javë, pas prekjes nga koronavirusi. Në mbledhjen urgjente të qeverisë, kryeministri njoftoi se është alokuar edhe një fond shtesë për shëndetësinë prej 400 milionë lekësh. "Në këtë situatë, si në çdo situatë kur shoqëria dhe shteti përballen me një gjendje jo të zakonshme, thelbësore është vetëpërmbajtja, ruajtja e qetësisë dhe ndjekja e një burimi të certifikuar zyrtar, si dhe zbatimi në nivel individual i atyre orientimeve që burojnë nga nevoja për të kontribuuar për veten dhe për tjerët. Masat e sotme janë pezullimi i fluturimeve drejt veriut të Italisë dhe drejt ' zonave të kuqe', deri më 3 prill. Mbyllja e arsimit në të gjithë vendin. Është momenti të mbyllim të gjitha institucionet arsimore dhe të kërkojmë mbylljen e të gjitha aktiviteteve, dëgjesa publike, deri në 3 prill. Ne kemi vendosur në dispozicion të situatës së emergjencës edhe financat përkatëse dhe edhe një fond tjetër prej 400 milionë lekësh, sipas kërkesave të Ministrisë së Shëndetësisë", - tha kreu i qeverisë. Më tej, ky i fundit shtoi se personeli mjekësor është i mirorganizuar për përballimin e situatës. "Është me shumë rëndësi të theksoj se kemi gjetur jo vetëm mirëkuptimin, por edhe angazhimin maksimal të personelit
mjekësor dhe është për t'u nënvizuar se e gjithë struktura e personelit shëndetësor, që është parashikuar për t'u futur në dispozicion të kësaj përballjeje është e mirorganizuar, mirinformuar dhe e mirangazhuar",
PLANI I MASAVE
Në mbledhjen e jashtëzakonshme të qeverisë, kryeministri i vendit deklaroi se tashmë ka nisur edhe faza e parë e planit të masave të ndërmarra nga vendi në
MASAT E MARRA
"Masat e sotme janë pezullimi i fluturimeve drejt veriut të Italisë dhe drejt ' zonave të kuqe' deri më 3 prill. Mbyllja e arsimit në të gjithë vendin për dy javë. Kërkojmë mbylljen e të gjitha aktiviteteve, dëgjesave publike deri më 3 prill", - tha Rama.
konsultim me OBSH- në dhe shtoi se në situatën ku ndodhet Shqipëria është herët që të mbyllen kufijtë me vendet e tjera. "Eksperienca që kemi ndjekur në vendet ku ka prevaluar qetësia, vetëpërmbajtja dhe administrimi i këtij fenomeni kërcënues është shumë më i suksesshëm. OBSH- ja kundërshton me forcë mbylljen e kufijve, e them këtë sepse është predikuar në mënyrë të vazhdueshme nga burime që s'kanë asnjë kompetencë për të bërë këshilltarin në këtë situatë. Faktikisht, siç tregojnë eksperiencat, mbyllja e kufijve është një masë ekstreme. Planin e veprimit e kemi në tryezë. Futemi në skenarin e parë me konfirmimin e rastit të parë. Task forca e ngritur për këtë rast ka punuar në mënyrë të pandërprerë dhe vazhdon të punojë për zbatimin e planit të masave që bazohet në 3 drejtime: kufizimi, me qëllim parandalimin e përhapjes. Së dyti: Vonimi, shtyrja në kohë e përhapjes së infeksionit dhe së treti, lehtësimi i pasojave që mund të sjellë infektimi. Jemi në konsultim të vazhdueshëm me OBSH", shtoi ai.