Mjekja në pikën kufitare: 28- vjeçari hyri në Shqipëri pa u kontrolluar

Mjekja

Dhurata Hysi ka deklaruar nga pika kufitare e Muriqanit se 28vjeçari shqiptar i prekur me koronavirus ka hyrë në

Shqipëri më 26 shkurt, pa u kontrolluar. Duke folur për mediat nga pika kufitare, mjekja sqaroi se i riu është futur në kufi pa u kontrolluar, për shkak se vinte nga Firence, e cila ishte një zonë e paprekur ende nga virusi vdekjeprurës në

Itali. "Djali hyri më datë 26, në orën 00: 40 të natës. Nuk është kontrolluar, pasi

Firence nuk ka qenë në zonën e kuqe, nuk ka pasur asnjë rast të konfirmuar atje. Ne kishim prioritet zonat e prekura në Itali dhe

Kinë. Ka ditë që kontrollohen të gjithë personat nga

Italia, por pas datës 26, më parë vetëm ata që vinin nga zonat e prekura. Nuk di ç'të them për të atin. Lista është vetëm djali. Qytetarët që vijnë në kufi nuk kanë maska, vetëm një italian kishte.

Listat me të prekur në Itali ndryshonin nga dita në ditë, ndaj ne e kemi marrë vetë informacionin. Në fazën fillestare nuk kuptohet virusi te qytetarët. Është e rëndësishme vetëkarantimi, të gjithë personat për t'u ruajtur duhet të qëndrojnë në shtëpi. Virusi transmetohet te të tjerët", tha mjekja.

ZV. MINISTRJA: 28- VJEÇARI U KONTROLLUA

Zv. ministrja e Shëndetësisë, Mira Rakacolli, sqaroi se 28- vjeçari u kontrollua në doganë, por simptomat apo shenjat e gripit iu shfaqën një javë pasi kishte kaluar pikën kufitare, saktësisht më 5- 6 mars. Më pas ajo tha se lapsusi me Hanin e Hotit ndodhi sepse djali deklaroi se kishte kaluar nga kjo pikë kufitare, por pas verifikimeve, autoritetet zbuluan se kishte kaluar nga Pika Kufitare e Muriqanit.