“Të gjenden fondet”, Meta: Situata mund të dalë jashtë kontrollit
"Duhet përgjegjshmëri maksimale dhe transparencë"
Presidenti i Republikës Ilir Meta apeloi përmes një konference të posaçme me mediat për përgjegjshmëri maksimale për të përballuar situatën nga koronavirusi pas konfirmimit të dy rasteve të para në Shqipëri. Meta vlerësoi angazhimin dhe masat e marra nga institucionet përgjegjëse dhe i ftoi qytetarët ta përballojnë me qetësi këtë situatë. "Sot ( dje) u konfirmuan dy rastet e para të koronavirusit. Duke iu uruar shërim të shpejtë, shpreh solidaritetin tim me ta, familjarët dhe ekipin mjekësor. Duke vlerësuar angazhimin dhe masat e marra nga institucionet përgjegjëse shtetërore përfshi dhe vendimet e qeverisë, i ftoj qytetarët ta përballojnë me qetësi këtë situatë. Të respektojnë protokollet mjekësore, të ndjekin sugjerimet e institucioneve shtetërore. Nuk ka vend për panik, por nuk ka vend për nënvlerësimin më të vogël nga të gjitha institucionet dhe qytetarët. Kërkohet përgjegjshmëri maksimale. Profesionalizëm, përkushtim e transparencë",- u shpreh Presidenti Meta. Ai theksoi se shëndeti i çdo qytetari është prioritet. "Mbështes të gjithë personelin mjekësor, mjekët dhe infermierët në mbarë vendin që do iu duhet të përballen me këtë rrezik serioz. Apeloj angazhimin e strukturave shtetërore me forcat më të kualifikuara. Iu bëj thirrje të gjitha institucioneve vendore e qendrore të marrin masa për sigurimin e çdo qytetari, nisjen e trajnimeve të personelit, përcaktimin jo vetëm të karantinave por dhe të pajisjeve dhe të gjithçkaje të domosdoshme që duhet për trajtimin e të prekurve. Po ndjek situatën hap pas hapi", deklaroi Meta. Presidenti u bëri apel qytetarëve që të tregohen të përgjegjshëm, ndërsa shtoi se çdo neglizhencë do të ishte e rrezikshme për familjen dhe shoqërinë e gjithsecilit. "Maturia dhe mësimet e nxjerra nga vendet e tjera, si Italia, janë in
DEKLARATA
"Nuk ka vend për panik, por në radhë të parë nuk ka vend për nënvlerësimin më të vogël nga të gjitha institucionet dhe nga çdo qytetar. Kërkohet përgjegjshmëri maksimale, kërkohet bashkëpunim, profesionalizëm dhe transparencë. Shëndeti i çdo qytetari është prioritet i të gjithëve sot. Mbështes personelin shëndetësor, që është vendosur përpara një sfide të madhe. Apeloj bashkërendimin e të gjitha strukturave me forcat më të kualifikuara. Pushteti vendor dhe qendror të marrin masa për sigurinë e jetë së çdo qytetari",
- tha z. Meta.