Basha, mesazh mjekëve: Qeveritë shkojnë e vijnë, ata që mbeten jeni ju
"Shteti të kompensojë një nga prindërit që do të kujdeset për fëmijët" "Jeta e qytetarëve në dorën tuaj, kërkoni gjithçka që ju nevojitet"
Lideri i opozitës Lulzim Basha iu drejtua dje me një mesazh të gjithë mjekëve dhe infermierëve shqiptarë, që të kërkojnë gjithçka iu duhet për të përballuar situatën me koronavirus. Basha apeloi për masa të shpejta ndërkohë që u kujtoi bluzave të bardha se qeveritë shkojnë e vijnë, ndërsa ata mbeten dhe kanë në dorë jetën e qytetarëve. Në krah të ekspertëve të shëndetësisë, kreu i demokratëve u kërkoi atyre që të jenë në vijën e parë të përballjes me virusin vdekjeprurës. Basha u bëri thirrje qytetarëve të mos përfshihen nga paniku, teksa i ftoi të vetëkarantinohen në raste të shfaqjes së simptomave me koronavirus. "Duke iu uruar shërim të shpejtë të prekurve, drejtohem me këtë mesazh: Të dashur mjek e infermierë, sytë e veshët janë drejtuar te ju. Sot jemi në mbështetjen tuaj për të zbatuar masat që sugjeroni. Mos ngurroni të kërkoni çfarë iu nevojitet për të përmbushur misionin tuaj. Qeveritë shkojnë e vijnë, ata që do të mbeten jeni ju, keni në dorë jetën e qytetarëve. Kemi një nga stafet më të mira, sot duhet t'iu japim mjetet dhe fondet e nevojshme për të përballuar këtë situatë. Sa më shumë të flisni ju sot, aq më të qetë do të jenë qytetarët. Sot duhet të jemi të përgjegjshëm për çdo veprim. Shmangni kontaktet me qytetarët dhe të afërmit për një periudhë dy javore. Kujdes të veçantë duhet të kemi me të moshuarit. Sa më të kujdesshëm të jemi sot, aq më lehtë do të kalojë kjo situatë. Ne do ndjekim hap pas hapi situatën. Ekspertët tanë do të jenë në gatishmëri. Grupi i punës i ngritur në PD do të bëjë gjithçka për të monitoruar këtë situatë", - theksoi z. Basha. Lulzim Basha bën apel që pas konfirmimit të dy rasteve me koronavirus në Shqipëri, të reagohet me kujdes dhe përgjegjshmëri. Sipas tij, të "gjithë do të na duhet të bëjmë sakrifica", për të luftuar përhapjen e virusit. Basha bën apel për zbatimin e rregullave të higjienës personale. "Asnjë vend nuk është imun ndaj rrezikut të koronavirusit, dhe tani që kemi rastet e para të konfirmuara edhe në Shqipëri, është më e rëndësishme se kurrë që të gjithë të reagojmë me kujdes dhe
me përgjegjshmëri. Të gjithëve do na duhet të bëjmë sakrifica në mënyrë që të luftojmë përhapjen e virusit: të kujdesemi shumë për higjienën tonë personale, të kufizojmë udhëtimet dhe nëse nuk ndihemi mirë të rrimë në shtëpi. Sot nuk është koha për panik, por për masa të shpejta dhe të vendosura", - deklaroi z. Basha.
MASAT
E rreshtuar krah Lulzim Bashës dhe eskpertëve të mjeksisë, mjekja Mirela
Tabaku, renditi dje 11 masat e propozuara nga grupi i punës, mes të cilave edhe një kujdes i shtuar nga mjekëve. "Do të doja ta filloja komunikimin me citimin e drejtorit të OBSH, që bëri në konferencën e fundit për shtyp që ai bëri: Sa vdekjeprurës do të jetë ky virus, varet jo vetëm nga ai, por edhe nga mënyra sesi ne do të sillemi",- theksoi Tabaku. Sipas saj për këtë qëllim është e rëndësishme: Komunikim tejet transparent dhe disa here ne dite me
PARALAJMËRIMI
"Dy javë më parë, nga kjo foltore i kam bërë thirrje qeverisë të marrë masa për t'u përgatitur për përballimin e situatës. 1. Fondet e mjaftueshme. 2. Mobilizimi maksimal. 3. Transparenca.
Këto janë tre komponentë të rëndësishëm politikë, për të cilët nuk duhet humbur kohë", - deklaroi z. Basha.
ANULIMI
Pas konfirmimit të dy personave të infektuar me koronavirus në Shqipëri, vendi ka nisur zbatimin e planit të masave mbrojtëse. I pari që nisi zbatimin e këtyre masave ishte kreu i PD- së, Lulzim Basha, që anuloi dy takime publike që kishte planifikuar
gjatë ditës së djeshme, takimin me gratë dhe me mësuesit.
popullatën ne lidhje me situatën aktuale dhe masat e marra nga qeveria. Prioriteti i rëndësishëm është marrja e masave urgjente në lidhje me mbrojtjen e personelit shëndetësor dhe lehtësimin e punës së tyre në funksion të popullatës. Për këtë është e rëndësishme të veprohet me shpejtësi nga ana e qeverisë në mënyrë të organizuar, me mendje të kthjellët dhe pa panik. Pajisja e personelit me mjetet mbrojtëse. Marrja e masave për pajisjen adekuate me mjetet mbrojtëse për autoambulancat transportuese dhe stafin mjekësor të tyre. Bërja gati e çdo strukture të shërbimit parësor apo sekondar spitalor në çdo cep të Shqipërisë. Trajnim i kujdesshëm dhe i detajuar i stafeve mjekësore, qoftë për trajtimin e kujdesshëm të pacientëve, ashtu edhe për mbrojtjen e tyre. Fuqizimi dhe shtimi i kapaciteteve te laboratorëve, jo vetëm i atyre epidimiologjikë, viralë, por kudo që ato janë. Mobilizimi dhe vënia në dispozicion e gjithë personelit mjekësor, i cili sot nuk është aktiv, mjekë epidimiologë, infeksionistë apo edhe të specialiteteve të tjera dhe që janë aktualisht në pension. Rritja e kujdesit dhe promovimi i masave parandaluese për të gjithë popullatën dhe për personelin mjekësor në të gjitha mediat. Karantinim i detyruar për personat që kanë kontakt me të infektuarit dhe vetëkarantinim vullnetar për personat që vijnë nga zona të infektuara. Sigurimi i fondeve të detyrueshme nga ana e qeverisë. Zbatimi me përpikëri i të gjithë masave dhe protokolleve nga OBSH".