Krim i organizuar dhe droga të rrezikshme, OFL vë në shënjestër dy fierakët
Në “sitë” xhaxhai i “Ben Qimes” dhe Zaim Tafa, i shpallur në kërkim “Deklaroni pasurinë brenda 48 orëve”!
Operacioni "Forca e Ligjit" iu drejtohet dy trafikantëve fierakë, duke iu kërkuar të deklarojnë pasuritë e tyre brenda 48 orëve. Mësohet se subjekt i OFL për ditën e djeshme janë shtetasit Zaim Tafa dhe Ahmet Isufaj, të akuzuar për trafik të drogërave të rrezikshme dhe krim të organizuar. Sipas Policisë, Isufaj është dënuar nga gjykata e Prishtinës për "krim të organizuar" dhe trafik droge. Ndërsa Zaim Tafa është i shpallur në kërkim për drogë dhe armëmbajtje pa leje.
Ahmet Isufaj është xhaxhai i Arben Isufajt, i njohur ndryshe si ' Ben Qimja'. Këtij të fundit OFL i dërgoi formularin për të deklaruar pasurinë, në datën 7 shkurt.
NJOFTIMI I OFL:
Në zbatim të detyrave të përcaktuara në Aktin Normativ të datës 31 janar 2020, vijon operacioni ' Forca e Ligjit', në bashkëpunim me strukturat vendore të policisë, për dërgimin e kërkesave për vetëdeklarim të pasurisë. Në këtë kuadër, OFL u ka dërguar kërkesat për vetëdeklarim të pasurisë shtetasve: Z. T., banues në Fier, i shpallur në kërkim për veprat penale "Prodhimi dhe shitja e narkotikëve", e kryer në bashkëpunim dhe "Armëmbajtja pa leje";
A. I., banues në Fier, i dënuar nga Gjykata Themelore e Prishtinës për veprat
KUSH JANË ISUFAJ E TAFA
Sipas policisë, Ahmet Isufaj është dënuar nga gjykata e Prishtinës për "krim të organizuar" dhe trafik droge. Ndërsa Zaim Tafa është i shpallur në kërkim për drogë dhe armëmbajtje pa leje. Ahmet Isufaj është xhaxhai i Arben Isufajt, i njohur ndryshe si ' Ben Qimja'. Këtij të fundit OFL i dërgoi formularin për të deklaruar pasurinë, në datën 7 shkurt.