Tirana e Durrësi në karantinë, Rama: Kjo luftë nuk fitohet ndryshe
Pezullohet puna në fasoneri, call center e qendra tregtare
Kryeministri Edi Rama, mbrëmjen e djeshme ka sqaruar për publikun të gjitha masat e ashpra që do të ndërmerren për të parandaluar përhapjen e koronavirusit në vend. "Duke e marrë lehtë shkon me këmbët e tua drejt një katastrofe kombëtare. Sot kemi marrë një sërë masash të reja, e kërkojmë ndjesë për kufizimet e mëdha. Nëse jetoni në Tiranë e Durrës përulësisht zbatojeni, kjo luftë nuk luftohet ndryshe. Do blindohet qarkullimi i makinave private nga Tirana e Durrësi. Nga nesër do të mbyllet qarkullimi i mjeteve private, dhe transporti ndërurban si edhe taksitë e çdo përmase. Do të mbyllet qarkullimi urban në Shkodër Lezhë, Elbasan, Lushnje Fier e Vlorë. Lëvizja do të jetë e hapur për ambulancat, ato që transportojnë mallra",- tha Rama.
Kështu kreu i qeverisë ka bërë me dije se do të pezullohet përkohësisht puna në fasoneri dhe call center. "Dëshiroj të theksoj se kjo masë, për t'i dalë përballë në këtë hap tjetër kësaj sfide dhe për të ngadalësuar shtrirjen e armikut do të pasohet nga të tjera. Sot kemi ndërmarrë inspektime në kompani fason e call center që nesër do jenë të mbyllura si të tjerat. Janë të detyruara të respektojnë distancat teknike, nëse kur të rinisë aktivitetet do të konstatohet se nuk kanë kryer detyrimet për të mbrojtur veten, jo vetëm do mbyllen po do marrin përsipër çdo kosto të kësaj mbylljeje." tha Rama.
QARKULLIMI RRUGOR
Kryeministri Edi Rama duke prezantuar edhe një herë masat për qarkullimin rrugor ka thënë se aktivitet prodhues dhe tregtar nuk do të pezullohet pasi as Italia e ka bërë diçka të tillë por do të zbatojnë rregullat. "Atëherë nga e premtja deri e gjitha lista për personat që do të lejohen të qarkullojnë. Personi vetë merr një kopje të këtij emaili që i dërgohet dhe Policisë së Shtetit në faqen ku ai vetë figuron. Me një kopje të thjeshtë në letër nëse kalohet nga postblloku do të jetë në rregull. Nuk ka arsye për të dyshuar për t'ia bërë të lehtë edhe kompanive edhe institucioneve, por edhe për mos krijuar një sistem të komplikuar regjistrimi. Do të ndiqet e njëjta mënyrë dhe për të gjitha autoritetet aeroportuale përsëri në adresën e Policisë. Ky template shumë i thjeshtë do të jetë i publikuar edhe në media, duke ja lehtësuar atyre që nuk po ndjekin tani këtë komunikim. Edhe qarkullimi i automjeteve të personave me sëmundje kronike që duhet të bëjnë trajtim, është i hapur. I hapur edhe transporti që bëjnë kujdes social për të moshuarit dhe janë në marrëdhënie private. E rëndësishme të kenë një vërtetim shumë të thjeshtë nga mjeku. Vajtje - ardhjet në Rinas. Drejtuesit e automjeteve duhet të kenë në dispozicion fotokopjet në letër apo në telefon të atyre që presin apo të atyre që largohen. Për këtë arsye shmangia e marrjes së njerëzve të tjerë në makinë është pjesë e masave, sado qesharake të duket aq serioz është. Për qendrat tregtare kryeministri zbuloi se do të mbyllen të gjitha aktivitetet veç atyre që ofrojnë shërbime farmaceutike dhe ushqimore. "Do të pezullohen të gjitha aktivitetet në qendra tregtare do të pezullohen, veç atyre që nuk janë të lidhura me ushqimet dhe farmacitë."- sqaroi Rama.