' Koha nuk pret', Basha: Të rishikohet buxheti, Rama të zbatojë masat e PD
"Qeveria 40 herë fonde më shumë për oligarkët sesa për koronavirusin"
Partia Demokratike i bëri dje thirrje qever isë që në këtë kohë krize të zbatojë pa kompleks masat e ekonomike dhe sociale të propozuara nga PD. Partia Demokratike propozon rishikimin e menjëhershëm të buxhetit të vitit 2020, me qëllim përballimin e situatës së krijuar nga koronavirusi, alokimin e fondeve të nevojshme për përballimin e situatës, rritjen e fondeve në buxhet për mbrojtjen shëndetësore në tërësi dhe rritjen e fondeve në buxhet për mbrojtjen sociale, sidomos ndaj atyre të moshës së tretë. Objektiv kryesor sipas PD, duhet të jetë rritja e fondeve në buxhet për mbrojtjen shëndetësore në tërësi si dhe rritja e fondeve në buxhet për mbrojtjen sociale, sidomos ndaj atyre të moshës së tretë. Lideri i opozitës Lulzim Basha në një reagim shprehet se qeveria ka planifikuar 40 heree mee shumee fonde për oligarkët sesa për luftën kundër koronavirus. "Alokimin e fondeve të nevojshme në përballimin e kostove për testimet për personat që mund të jenë prekur nga COVID - 19 dhe për trajtimin e të sëmurëve, numri i të cilëve është rritur që nga momenti i zbulimit të "pacientit 0" dhe pritet të rritet dita- ditës. Nuk duhet të ketë mungesë fondesh për të blerë të gjitha pajisjet, kitet e nevojshme testuese dhe aparaturat për trajtim, sepse koha nuk pret, koha kushton jetë! Rritjen e fondeve në buxhet për mbrojtjen shëndetësore në tërësi. Rritjen e fondeve në buxhet për mbrojtjen sociale, sidomos ndaj atyre të moshës së tretë. Këto alokime fondesh dhe mbështetja me fonde të menjëhershme janë plotësisht të mundura, po të kemi parasysh se vetëm gjatë këtij viti, qeveria ka planifikuar të harxhojë 40 herë më shumë për
PPP- të, sesa ka alokuar për koronavirusin: 120 milionë euro janë planifikuar për 10 oligarkë dhe 12 PPP, ndërkohë që vetëm 3 milionë euro janë alokuar për krizën e koronavirusit", - theksoi z. Basha. Dy ditë më parë lideri i opozitës Lulzim Basha propozoi disa masa për të parandaluar përhapjen e koronavirusit në territorin shqiptar mes të cilave edhe rishikimin e buxhetit 2020 dhe alokimimi i fondeve për shëndetësinë. Madje kreu i PD kërkoi hapjen e thesarit të shtetit. Në listën e 6 masave kryesore, Basha nënvizon pezullimin e pagesës së ujit dhe energjisë elektrike për zonat e prekura si dhe pezullimin e kontributin e sigurimeve shoqërore. "Duhet të fokusohemi në dy komponentë kryesorë. Te komponenti i kujdesit për shëndetin dhe te komponenti që vendi të mos kalojë në kolaps total ekonomik. Grupi i punës dhe i ekspertëve në PD, konsultuar edhe me ekspertë, propozojmë këto masa: 1. Pezullimin dhe fshirjen e faturave të ujit në zonat ku virusi është shfaqur. 2. Të ndalohet shkëputja e ujit dhe dritave deri në tejkalimin e gjendjes. 3. Të pezullo
KOSTOJA
"Alokimin e fondeve të nevojshme në përballimin e kostove për testimet për personat që mund të jenë prekur nga COVID - 19 dhe për trajtimin e të sëmurëve, numri i të cilëve është rritur që nga momenti i zbulimit të "pacientit 0" dhe pritet të rritet dita- ditës. Nuk duhet të ketë mungesë fondesh për të blerë të gjitha pajisjet, kitet e nevojshme testuese dhe aparaturat për trajtim, sepse koha nuk pret, koha kushton jetë!", - tha z. Basha.