' Numri 127 nuk mjafton', Meta: S'ka vend për panik, kam bërë test të dyfishtë
"Qytetarët të përqendrohen tek mesazhet e autoriteteve"
Presidenti i Republikës Ilir Meta e nisi ditën e djeshme me një fotografi në një ambient të veçantë, ndërsa dha edhe një mesazh të rëndësishëm për situatën e koronavirusit. Meta publikoi një fotografi nga natyra, ndërsa shprehet se më mirë është që këta kohë t'i kalojmë në natyrë të pastër sesa në palestër. "Më mirë në natyrë, se në palestër!", shkruan Ilir Meta. Kreu i shtetit Meta informoi më herët se qytetarët duhet që të tregojnë kujdes maksimal dhe të zbatojnë me rigorozitet të gjitha këshillat dhe rekomandimet e autoriteteve.
SITUATA
Nga Qendra Kombëtare e Transfuzionit të Gjakut, Presidenti Ilir Meta doli pa një maskë mbrojtëse, por u kujdes të ruante distancën me gazetarët. "Vij këtu pasi kam bërë një test të dyfishtë, nuk kam kontaktuar askënd dhe kam ruajtur distancën", - theksoi z. Meta. Sa i takon situatës së krijuar pas konfirmim të rasteve me koronavirus në Shqipëri, ai u bëri thirrje qytetarëve që të përqendrohen tek mesazhet e autoriteteve dhe të bëjnë sa më shumë kujdes. Presidenti vlerësoi masat e marra për përballimin e pandemisë botërore që ka prekur edhe vendin tonë, ndërsa nënvizoi se taskforca e ngritur nga Presidenca nuk dublon dhe as zëvendëson atë të qeverisë. Presidenti apeloi edhe njëherë të ruhet qetësia, ndërsa shtoi se duhet parë mundësia për vënien e një tjetër numri në dispozicion në funksion të thirrjeve të urgjencës. "Task- forca në Presidencë nuk zëvendëson as dublon task- forcën e qeverisë. Kjo është në funksion të presidentit. Të gjithë të përqendrohemi te mesazhet e autoriteteve të shëndetit publik, udhëzimet e autoriteteve qeveritare, ti referohemi 127 dhe ndoshta duhet para mundësia për një numër tjetër. Të gjithë së bashku do ta kalojmë këtë situatë me sa më shumë kujdes dhe pa panik", - theksoi z. Meta. Ndërsa dhuroi gjak së bash
FUNKSIONIMI
"Task- forca në presidencë nuk zëvendëson as dublon task- forcën e qeverisë. Kjo është në funksion të presidentit. Të gjithë të përqendrohemi te mesazhet e autoriteteve të shëndetit publik, udhëzimet e autoriteteve qeveritare, t'i referohemi 127 dhe ndoshta duhet para mundësia për një numër tjetër. Të gjithë së bashku do ta kalojmë këtë situatë me sa më shumë kujdes dhe pa panik", - theksoi z. Meta.
TESTI
Z. Meta sqaroi se ai vetë ka bërë një test të dyfishtë dhe është siguruar para se të dhuronte gjak. "Të jeni të sigurtë se vij këtu pasi kam bërë një test të dyfishtë. Nuk kam kontaktuar askënd. Kam bërë gjithçka për të ruajtur distancat e domosdoshme. Ju kam tërhequr edhe ju vëmendjen që të mos rrini kaq pranë njëri- tjetrit, dhe ju përgëzoj që përdorni maskat!", - deklaroi z. Meta.