Koronavirusi, 14 raste të reja, mes tyre një punonjës shëndetësie
Instituti i Shëndetit Publik: 5542 testime, 10 për qind të prekur nga COVID 19 Dervishi: 314 të shëruar dhe 222 të infektuar aktivë
Brenda 24- orëshit të fundit, 14 raste të reja kanë rezultuar pozitivë me koronavirus, pas testimit të 231 personave të dyshuar, mes tyre edhe 35 punonjës shëndetësie. Pra, krahasuar me të shtunën, e diela ka pasur një rritje të numrit të rasteve pozitivë. Ditën e djeshme, në komunikimin për mediat, Instituti i Shëndetit Publik ka bërë me dije se ndër 14 rastet pozitive të 24 orëve të fundit, 1 prej tyre ishte personel shëndetësor në Shkodër. “Në vijim të komunikimit të përditshëm, ju bëjmë me dije se vazhdon puna në terren për identifikimin e rasteve të reja dhe gjurmimin e kontakteve të rasteve, të konfirmuara pozitive. Në 24 orët e fundit janë testuar 231 persona të dyshuar me COVID 19, prej të cilëve 35 janë personel shëndetësor. Nga rezultatet e testimeve janë konfirmuar 14 raste pozitive me COVID 19, prej të cilëve 1 është personel shëndetësor në Shkodër. Nga rastet e reja, 7 i përkasin Krujës, 5 raste në Tiranë, 2 raste në Shkodër”, - theksoi dr. Marjeta Dervishi nga ISHP- ja. Ndërkohë, burimet bëjnë me dije se 1 prej 14 të infektuarve është pjesë e FNSH- së, ndërkohë që 7 të infektuarit në Krujë janë punonjës fasonerie.
TESTIMET
Që prej konfirmimit të dy rasteve të para pozitive me COVID 19, në 9 mars të këtij viti, në Shqipëri janë kryer 5542 testime për personat e dyshuar, ku 562 prej tyre kanë rezultuar të infektuar nga virusi. Sipas statistikave, 10 për qind e të gjithë të dyshuarve janë të prekur nga koronavirusi. Instituti i Shëndetit Publik nënvizoi se në bazë të shifrave, mund të flitet për një kontroll të mirë të epidemisë. “Deri në këto momente janë testuar 5542 raste të dyshuara dhe prej tyre janë të konfirmuar pozitivë me COVID 19, 562 raste, pra rreth 10% e të gjithë të testuarve. Kjo shifër tregon për një kontroll të mirë të epidemisë dhe për një numër krejtësisht të mjaftueshëm testimesh për të vlerësuar situatën”, - shtoi
Dervishi në komunikimin e përditshëm mbi situatën e koronavirusit në vend.
RASTET E RIKUPERUARA
Aktualisht numri i të shëruarve nga koronavirusi në Shqipëri është më i lartë se numri i personave të infektuar aktivë. Përkatësisht rezultojnë 314 të shëruar dhe 222 persona të infektuar aktivë. “Gjatë 24 orëve të fundit, 12 pacientë të tjerë i janë shtuar listës së të shëruarve, duke e çuar numrin e të shëruarve nga COVID 19 në 314. Aktualisht në vendin tonë janë 222 persona të infektuar aktivë dhe siç shihet, numri i të shëruarve është më i lartë dhe kjo tendencë tashmë vazhdon pa luhatje prej më shumë se një jave”, - bëri me dije përfaqësuesja e ISHP- së.
VIKTIMAT
Deri më tani, 6 prej pacientëve të infektuar me koronavirus janë në terapi intensive. “Deri sot, 26 qytetarë e kanë humbur betejën me këtë sëmundje, pavarësisht përpjekjet të stafit mjekësor për t’i mbajtur në jetë. Ju informojmë se në shërbimin infektiv aktu
“ZBATONI MASAT”
“Në mënyrë që situata të vazhdojë të jetë e kontrolluar, është e rëndësishme që qytetarët të respektojnë masat e distancimit fizik, si e vetmja mënyrë e kufizimit të përhapjes së infeksionit. Këto masa duhet të respektohen makimalisht edhe brenda rretheve familjare, duke shmangur vizitat tek të afërmit për çdo lloj arsyeje”,
- tha Dervishi.
alisht janë 34 të shtruar. 6 pacientë janë në terapi intensive. Në spitalin COVID 2 ‘ Shefqet Ndroqi’ janë 8 pacientë të shtruar. 4 pacientë janë në terapi intensive në gjendje të rënduar, ndërsa 4 prej tyre janë në pavion. Në dy spitalet COVID aktualisht po marrin shërbim 42 pacientë. Harta e të prekurve nga COVID 19 zgjerohet në Tiranë, Shkodër dhe Krujë. Pavarësisht luhatjeve në numrat ditorë të zbulimit të bartësve të virusit apo të sëmurëve prej tij, situata është njëlloj e kontrolluar. Treguesi i vërtetë është numri i të shtruarve në spitale, që vazhdon të mbetet në shifra të qëndrueshme”, - tha Devishi.
APELI PËR QYTETARËT
Përfaqësuesja e Institutit të Shëndetit Publik, Marjeta Dervishi, u bëri thirrje qytetarëve që të respektojnë masat e distancimit fizik për të parandaluar përhapjen e koronavirusit. “Në mënyrë që situata të vazhdojë të jetë e kontrolluar, është e rëndësishme që qytetarët të respektojnë masat e distancimit fizik, si e vetmja mënyrë e kufizimit të përhapjes së infeksionit. Këto masa duhet të respektohen maksimalisht edhe brenda rretheve familjare, duke shmangur vizitat tek të afërmit për çdo lloj arsye. Nëse keni shenja të sëmundjes COVID 19, telefononi numrin e urgjencës 127. Për çdo pyetje apo informacion rreth COVID 19, telefononi në linjën e gjelbër 0800 40 40”, - bëri me dije Dervishi.