Këshilla për të forcuar imunitetin pa suplemente shtesë
Ka mënyra të tjera që duhet të kombinoni për t'i dhënë vetes një sistem imunitar mjaftueshëm të fortë sa për t'u përballur me një virus të tillë.
1. Ulni sa të mundni
nivelin e stresit
Shqetësimi ndaj koronavirusit dhe pasojave të tij, ju ka shtuar ndjeshëm nivelin e stresit në jetë. Çfarë duhet të kujtoni është se kjo gjendje vetëm e përkeqëson shëndetin tuaj. Kujtoni që trupi punon më mirë ndaj sëmundjeve apo mikrobeve kur mbi të nuk ushtrohet stres. Gjeni pak kohë për të medituar, ose për të përmirësuar frymëmarrjen.
2. Përmirësoni gjumin
Një sistem imunitar i shëndetshëm mund ta luftojë infeksionin. Nëse keni deficite në gjumë, duhet të dini që sistemi imunitar s'punon siç duhet. Përpiquni të bëni gjumë të mirë që do të thotë, nga 6 deri në 7 orë çdo ditë. Zbatoni me rregull oraret e tij dhe evitoni sa të mundni ushqimet para gjumit, ekranet e telefonave apo aktivitetin fizik.
3. Kontrolloni nivelin
e vitaminës D
Dëgjojmë të flitet shumë për rëndësinë e vitaminës C, por krahas saj duhet të dini që marrja e vitaminës D ndihmon trupin të luftojë me sëmundjet e rrugëve të frymëmarrjes. Nëse nuk e merrni si suplement e gjeni në ushqime të tilla si salmoni, peshku apo qumështi, këshillon "Anabel".
4. Mos konsumoni alkool
Në mënyrë absolute s'duhet ta kaloni masën e konsumit të alkoolit. Kjo s'do të thotë që nuk mund të pini një gotë verë apo kokteil, por në mënyrë të moderuar. Kujtoni se nuk është vetëm e pira kronike ajo që dobëson sistemin imunitar. Për gratë normale është 1 pije në ditë, e ndërsa burrat mund të pinë gjer në dy.
5. Mbani një dietë ushqimore të balancuar dhe shmangni sa të mundni suplementet e
të gjitha llojeve
Një sistem imunitar i fortë kërkon një dietë të pasur dhe të shëndetshëm. Asnjë ushqim në veçantë nuk është zbuluar se bën "mrekulli" me forcimin e imunitetit, por kombinimi i tyre po.
Ushqimet e freskëta dhe jo të procesuara duhet të jenë kryefjala e ditës suaj këtë periudhë. Kjo është po aq e rëndësishme sa larja e duarve apo mosprekja e fytyrës.
6. Probiotikët
Probiotikët njihen për aftësinë e tyre në përmirësimin e imunitetit. Ka disa të dhëna shkencore që kanë provuar se bakteret e mira Lactobacile dhe Bifidobakterium shkurtojnë kohëzgjatjen e të ftohurës, por kjo nuk i bën ato efikase kundër koronavirusit. Viruset i nënshtrohen gjithnjë mutacionit dhe kësisoj nuk ka asnjë kurë, as probiotik, as vitamina dhe as minerale që mund të shkatërrojnë koronavirusin në organizëm. Kjo nuk do të thotë se duhet të anashkaloni rregullin e ushqyerjes së shëndetshme, gjumit cilësor, lënies së duhanit dhe kryerjes së aktivitetit fizik për të pasur një organizëm më të fortë. Edhe gjatë kësaj periudhe të epidemisë, njerëzit duhet të vazhdojnë të ushqehen mirë me fruta, perime, peshk, fara, mish pule, e yndyra të shëndetshme që ta kenë imunitetin në punë dhe në formë.