Kurba e koronavirusit në rritje, 22 raste të reja për 24 orë
Instituti i Shëndetit Publik: Deri tani 584 të infektuar në total nga 5775 të testuar Tomini: 327 të shëruar, 5 pacientë në terapi intensive
Kurba e koronavirusit në vendin tonë ka pë suar rritje krahasuar me një ditë më parë, ku të martën janë regjistruar 22 raste të reja pozitive, nga 14 të konfirmuara të hënën. Shifrat janë bërë publike ditën e djeshme nga shefja e Inteligjencës Epidemiologjike në ISHP, Eugena Tomini. "Si çdo ditë, ju bëjmë me dije rezultatet e 24 orëve të fundit sa i takon gjurmimit dhe hetimit epidemiologjik dhe situatën e deritanishme të përhapjes së COVID- 19. Gjatë 24 orëve të fundit janë testuar 233 persona të dyshuar me COVID19. Nga rezultatet e testimeve janë konfirmuar 22 raste pozitive me COVID19",- tha Tomini në komunikimin e përditshëm për mediat dhe qytetarët. Sakaq, sipas statistikave, vatra e zjarrtë e COVID- 19 tashmë është zhvendosur në Kurbin, ku vetëm dje janë konfirmuar 12 raste të reja. "Nga rastet e reja 3 janë në Shkodër, 2 raste në Tiranë. Ndërkohë vijon hetimi epidemiologjik dhe gjurmimi i kontakteve në vatrën e Krujës ku kanë rezultuar pozitivë 5 persona dhe në Kurbin ku kemi 12 raste të reja",- bëri me dije shefja e Inteligjencës Epidemiologjike në ISHP. Deri mesditën e së hënës janë testuar 5775 raste të dyshuara dhe prej tyre janë të konfirmuar pozitivë me COVID- 19, 584 raste. Ndërkohë burimet bëjnë me dije se 1 prej 14 të infektuarve është pjesë e FNSH- së, ndërkohë 1 tjetër e prekur nga virusi është shitëse.
RASTET E RIKUPERUARA
Aktualisht numri i të shëruarve nga koronavirusi në Shqipëri është më i lartë se numri i personave të infektuar aktivë. "Gjatë 24 orëve të fundit, 13 pacientë të tjerë i janë shtuar listës së të shëruarve, duke e çuar numrin e të shëruarve nga COVID- 19 në 327. Aktualisht
në vendin tonë janë 231 persona të infektuar aktivë dhe, siç shihet në grafik, përqindja e të shëruarve është më e lartë. Kjo tendencë tashmë vazhdon pa luhatje prej më shumë se një jave",- tha Tomini.
VIKTIMAT
Deri më tani, 5 prej pacientëve të infektuar me koronavirus janë në terapi in
tensive. "Deri sot, 26 qytetarë e kanë humbur betejën me këtë sëmundje me gjithë përpjekjet e stafit mjekësor. Ju informojmë se, në shërbimin infektiv aktualisht janë 35 të shtruar. 5 pacientë janë në terapi intensive. Në spitalin COVID- 2 "Shefqet Ndroqi", janë 9 pacientë të shtruar. 5 pacientë janë në terapi intensive në gjendje të rënduar, ndërsa 4 pacientë janë në pavion. Në dy spitalet ' COVID' aktualisht po marrin shërbim 44 pacientë",- bëri me dije Tomini.
APELI PËR QYTETARËT
Përfaqësuesja e Institutit të Shëndetit Publik, Eugena Tomini i bëri thirrje qytetarëve që të respektojnë masat e distancimit fizik për të parandaluar përhapjen e koronavirusit. "Pavarësisht luhatjeve në numrat ditorë të zbulimit të bartësve të virusit apo të sëmurëve prej tij, situ"Karantinimi dhe mbyllja e shteteve evropiane nuk janë masa të mbështetura në fakte shkencore. Mendoj se politika e duhur do të ishte mbrojtja e të moshuarve dhe personave që vuajnë nga sëmundjet tjera kronike, derisa tjerët do të duhej ta kishin parasysh se COVID- 19 është një sëmundje e lehtë e ngjashme me një grip",- tha ish- epidemiologu kryesor i Suedisë, Johan Gjesek.
ata është njëlloj e kontrolluar. Treguesi i vërtetë është numri i të shtruarve në spitale, që vazhdon të mbetet në shifra të qëndrueshme. Në mënyrë që situata të vazhdojë të jetë e kontrolluar, është e rëndësishme që qytetarët të respektojnë masat e distancimit fizik, si e vetmja mënyrë e kufizimit të përhapjes së infeksionit.
Këto masa duhet të respektohen maksimalisht edhe brenda rretheve familjare, duke shmangur vizitat tek të afërmit për çdo lloj arsye. Nëse keni shenja të sëmundjes COVID- 19 telefononi numrin e urgjencës 127. Për çdo pyetje apo informacion rreth COVID- 19 telefononi në linjën e gjelbër 0800 40 40",- tha Tomini.