Tatimet në terren për verifikimin e 17 mijë ankesave të biznesit
Ja si do të plotësohet formulari për rishqyrtim të ndihmës me paketën e dytë Bizneset e vogla janë akuzuar se nuk kanë marrë pagën e luftës
Administrata tatimore do të shqyrtojë rast pas rasti në terren të gjitha ankesat e biznesit të vogël që iu refuzua kërkesa për përfitimin e ndihmës 26 mijë lekë. Burime zyrtare nga Drejtoria e Tatimeve bëjnë të ditur se do të verifikojnë rreth 17 mijë ankesa të regjistruara që prej hyrjes në fuqi të paketës së parë mbështetëse, ku ishte parashikuar "paga e luftës" prej 26 mijë lekësh. Më datë 18 prill ditën e shtunë përfundoi afati i aplikimit për këtë kategori, por kur i gjithë vendi ishte në karantinën 48 orëshe, e cila përfundoi, ditën e hënë në orën 05: 00, inspektorët tatimorë u gjendën në terren për të kryer verifikimet e fundit. Për këtë kategori në proces shqyrtimi dhe verifikimi në terren nga tatimet sipas shifrave të bëra publike nga kryeministri Rama janë edhe 16,875 subjekte. Bëhet fjalë për bizneset e vogla që për shkak të refuzimit për përfitim të ndihmës u dërguan drejtorive rajonale online ankesat e tyre.
VERIFIKIMI
Verifikimi sipas inspektorëve tatimorë kryhet pasi nga ankesat ka rezultuar mospërputhje e regjistrimit në QKB me llojin e bizneseve me atë çfarë praktikisht tregtohet në dyqan. Inspektimi i administratës ka si qëllimin verifikimin fizik të veprimtarisë të biznesit që i është refuzuar aplikimi për përfitimin e ndihmës financiare. Pas verifikimit inspektorët e terrenit plotësojnë një formular me të dhënat e kodit të biznesit të deklaruar në QKB dhe lloji i aktivitetit që rezulton që biznesi kryen sipas verifikimit në terren. Më pas formulari plotësohet me konkluzionet e inspektorit tatimor për t'i përcjellë për shqyrtim administratës tatimore, shoqëruar edhe me fotot përkatëse të biznesit të inspektuar. Sipas Drejtorisë të Përgjithshme të Tatimeve, ndërkohë të gjitha subjektet dhe individët, të cilëve u është refuzuar e drejta për të përfituar ndihmën financiare sipas paketës të parë do të njoftohen nëpërmjet një njoftimi në llogarinë e tyre në e- filing, nëse do të jenë përfitues të paketës të dytë të zgjeruar, pa qenë e nevojshme të ndjekin procedurën e riaplikimit. Nga tatimet iu është refuzuar aplikimi 50 mijë bizneseve, por kryeministri Rama deklaroi se 95% e tyre do të përfshihen në paketën e zgjeruar. Biznesi i vogël përfitues i pagës minimale prej 26 mijë lekë deri tani nga zbatimi i
AFATI I APLIKIMIT
Më datë 18 prill ditën e shtunë përfundoi afati i aplikimit për këtë kategori, por kur i gjithë vendi ishte në karantinën 48orëshe, e cila përfundoi, ditën e hënë në orën 05: 00, inspektorët tatimorë u gjendën në terren për të kryer verifikimet e fundit.
paketës të parë të ndihmës rezultojnë 40.327 përfitues. Pritet që brenda kësaj jave të mbyllet tërësisht shpërndarja e pagave për biznesin e vogël.