Zbardhet lista e re me emrat e 510 pensionistëve që do të përfitojnë pension suplementar
Ligji i ri/ Cilat janë llojet e përfitimeve, kategoritë që do të marrin më shumë para ISSH: Kemi mbi 10 mijë përfitues deri tani, vijon verifikimi
Të gjithë atyre qytetarëve që iu lind e drejta e përfitimit të pensionit suple mentar mund të verifikojnë nëse i plotësojnë apo jo kriteret për të marrë pagesën shtesë. “Gazeta Shqiptare” publikon sot listën e re me emrat e 510 përfituesve që mund të tërheqin shtesat e pensionit. Instituti i Sigurimeve Shoqërore, në një njoftim zyrtar ka bërë me dije se numri i përfituesve në total ka arritur në 10835 persona. “Në vijim të zbatimit të masave të ndërmarra nga qeveria, Instituti i Sigurimeve Shoqërore po bën të gjitha përpjekjet për t’iu përgjigjur në kohën e duhur kërkesave që vijojnë të vijnë nga qytetarët, që gjithkush të marrë shërbimin e merituar. Një punë mjaft e mirë është bërë përsa u përket përfituesve nga Ligji nr. 29/ 2019 2019 “Për trajtimin financiar, suplementar të punonjësve që kanë punuar në miniera, në nëntokë; të punonjësve të industrisë së naftës e të gazit dhe të punonjësve që kanë punuar në metalurgji”. I janë shtuar listës së përfituesve edhe 510 persona, duke e çuar në 10.835 në total deri tani numrin e përfituesve nga ky ligj”, - thekson ISSH- ja. Ndërkohë, në ditët në vijim “Gazeta Shqiptare” do të vijojë publikimin e listave me emrat e pensionistëve që kanë fituar të drejtën e përfitimit të pensionit shtesë.
PËRCAKTIMET NË LIGJ
Ligji nr. 29/ 2019 “Për trajtimin financiar, suplementar të punonjësve që kanë punuar në miniera, në nëntokë; të punonjësve të industrisë së naftës e të gazit dhe të punonjësve që kanë punuar në metalurgji”, përcakton 3 lloje përfitimesh. Specifikisht, këto lloje përfitimesh janë: pension për shkak të profesionit ( llojit të punës), shtesë mbi pensionin e pleqërisë si dhe shtesë mbi pensionin e invaliditetit. “Pensionin për shkak të profesionit ( llojit të punës) e përfitojnë:
a) Ish- punonjësit, të cilët kanë kryer procese pune në miniera në nëntokë; trajtimi me përfitime përpara moshës dhe kushteve të përcaktuara në dispozitat e ligjit nr. 7703, datë 11.5.1993, “Për sigurimet shoqërore në Republikën e Shqipërisë”, të ndryshuar, do të vazhdojë të bëhet sipas përcaktimeve në dispozitat e ligjit nr. 150/ 2014, “Për pensionet e punonjësve që kanë punuar në miniera, në nëntokë” dhe akteve nënligjore të dala në zbatim të tij.
b) Ish- punonjësit, të cilët kanë punuar në industrinë e naftës e të gazit, në profesione e punë të përcaktuara në pasqyrën nr. 1, “Punë që hyjnë në kategorinë e parë”, krerët IV, pikat 2 e 3, dhe XI, të vendimit nr. 526, datë 20.12.1958, të Këshillit të Ministrave, “Për ndarjen e punëve në kategori për efekt pensioni”, të ndryshuar.
c) Ish- punonjësit, të cilët kanë punuar në industrinë e naftës e të gazit, në profesione e punë të përcaktuara në pasqyrën nr. 2, “Punë, që hyjnë në kategorinë e dytë”, kreu V, të vendimit nr. 526, datë 20.12.1958, të Këshillit të Ministrave, “Për ndarjen e punëve në kategori, për efekt pensioni”, të ndryshuar dhe personeli inxhiniero- teknik, që ka punuar në ndërmarrjet e sistemit të naftës, sipas listës së miratuar me vendim të Këshillit të Ministrave.
ç) Ish- punonjësit, të cilët kanë punuar në metalurgji, në profesione, punë dhe ndërmarrje sipas përcaktimeve në krerët III, VIII e XII, të pasqyrës nr. 1, të vendimit nr. 526, datë 20.12.1958, të Këshillit të Ministrave, “Për ndarjen e punëve në kategori për efekt pensioni”, - thuhet në ligj. Ndërkohë, shtesë mbi pensionin e pleqërisë dhe mbi pensionin e invaliditetit përfitojnë: ish- punonjësit, të cilët kanë përfituar pension pleqërie ose do të plotësojnë kushtet për të përfituar pension pleqërie, shtesën mbi pension, sipas shkronjës “a”, e përfitojnë të gjithë personat që kanë jo më pak se 6 vite në profesionet dhe punët e përcaktuara në këtë ligj dhe shtesën mbi pension, sipas shkronjës “a”, të kësaj pike e përfitojnë edhe personat që marrin pension sipas ligjit nr. 150/ 2014 “Për pensionet e punonjësve që kanë punuar në miniera në nëntokë”, kur data e lindjes së të drejtës për pension është deri më 31.12.2014.